ZEKARIA 14:8 - Pathien Lekhabu Inthieng (BSI)

⁸ Chun, chu nia chun tui hringhai Jerusalema inthawkin hung suok a ta; a chenve chu saktieng tuipuiah, a chenve chu thlangtieng tuipui-ah, nipui lai le thlasik huna khawm a ni ding a nih.

ZEKARIA 14:8 ပူးပေါင်းရင်းမြစ်များ

HLAHAI HLA 4:15

Nang chu huona tuikhur, tuisunsuo hnâr nei le, Lebanona vadungtê luonghai i nih.

ISAI 35:7

Chuongchun, ṭieuphit lumtak hmun chu dîlah inchang a ta, hnuoi dangchârtak chu tuihnârhaiah inchang a tih: sihalhai chêngna, an zâlnaa chun hlobet, phairuong le thielkuong um a tih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

JOEL 2:20

amiruokchu, in kuoma inthawkin hmârtieng sipai ruol chu sawnhmang dai ka ta, ram ṭâwl le râusannaah infetir ka tih, a hmasa pâwl saktieng Tupuiah, a nuhnung pâwl thlangtieng Tupuiah; hung ṭhuoi suok a ta, rimsetakin hung innam a tih, thil nasatak a thaw ta leiin.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

ZEKARIA 14:4

Chu nia chun a kehai chu Oliv tlânghai, Jerusalem sak ela umhai chunga chun ngîr a ta, chun, Oliv tlânghai chu a laia chun saktieng le thlangtienga chun kakintan a ta, chuongchun, ruom nasatak hung um a tih; chun, chu tlâng chenve chu hmârtieng insawn a ta, a chenve dang chu simtieng insawn a tih.

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 5:4

Akâr po leh dîla chun vântirko a zu fe a, tui chu a sukfâwn hlak a; mi tukhawm ieng ang natna nei khawm ni hai sien, tuifâwn zu pal hmasatak taphawt chu an dam pei hlak si a.]

JOHAN 7:38

Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.