ZEKARIA 14:7 - Pathien Lekhabu Inthieng (BSI)

⁷ amiruokchu, ni khat, Lalpa ihriet chu um a tih; sûn khawm ni naw ni a, zân khawm ni naw bawk a tih, amiruokchu, zântieng huna hin var chu hung um a tih.

ZEKARIA 14:7 ပူးပေါင်းရင်းမြစ်များ

INPÂKNA HLABU 37:18

Lalpa chun mi ṭha famkim nihai chu a hriet a, An rohluo ding chu kumkhuoa um zing ding a nih.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 24:23

Chu hnunga chun thla khi inzaktakin um a ta, nisa khi muolphotakin um a tih; sipaihai Lalpa chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni si a.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 58:10

phîngṭâmhai kuoma i dit zâwng pe a, sukrinuma umhai i suktlai bawk chun, i var chu inthim lai chun var suok a ta, în thimna chu sûn ang el ni tâng a tih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 30:7

Ahei, chu ni chu a ropui si a, chu ang hrim chu a um naw a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni si a,” tiin.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

AMOS 8:9

Chun, Lalpa Pathien chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

MATTHAI 24:36

“Nisienlakhawm, chu ni le a phâ thu chu Pa chau naw chun, tukhawmin, vâna vântirkohai khawmin, Naupa khawmin an hriet nawh.

MARKA 13:32

“Nisienlakhawm, chu ni le a dâr thu chu Pa chau naw chun tukhawmin, vâna vântirkohai khawmin, Naupa khawmin, an hriet nawh.

THILTHAWHAI 1:7

Chun, ama chun an kuomah, “Pain a hun le a ni ama thu thua um dinga a ruot chu nangni lo hriet ding a ni naw ie.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 14:6

Chun, hnuoia umhai kuoma le, hnam tinrêng dâm, chi tinrêng dâm, ṭawng tinrêng dâm kuoma tlânginsampui dinga chatuon Chanchin Ṭha nei vântirko dang vânlaizâwla vuong ka hmu a;

THUPUONGSUO 21:23

Chu khuo chun a ên dingin nisa a ngai naw a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni si a.

THUPUONGSUO 21:25

A kawthai chu sûnah khâr naw tawp an ta, chutaka chun zân hrim a um naw ding a ni si a.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;

THUPUONGSUO 22:5

Chun, zân um nâwk ta naw ni a; khâwnvar le nisa var ngai naw ni hai a; Lalpa Pathien chun anni a ên ding a ni si a; chuongchun, chatuonin ro rêl an tih.