ZEKARIA 14:4 - Pathien Lekhabu Inthieng (BSI)

⁴ Chu nia chun a kehai chu Oliv tlânghai, Jerusalem sak ela umhai chunga chun ngîr a ta, chun, Oliv tlânghai chu a laia chun saktieng le thlangtienga chun kakintan a ta, chuongchun, ruom nasatak hung um a tih; chun, chu tlâng chenve chu hmârtieng insawn a ta, a chenve dang chu simtieng insawn a tih.

ZEKARIA 14:4 ပူးပေါင်းရင်းမြစ်များ

2 SAMUEL 15:30

Chuongchun, David chu Oliv tlâng hang fenaa chun a hang fe a, fe malam chun a ṭap malam pei a, a lu a khum a, ke ruokin a fe a; chun, a kuoma mi po pohai chun an lu an khum seng a, ṭap pum peiin an hang fe a.

EZEKIEL 11:23

Chun, Lalpa ropuina chu khawpui laia inthawk chun a hung suok a, khawpui saktieng sîra um tlâng chunga chun a hang ngîr ta a.

EZEKIEL 38:20

chuongchun, tuipuia ngahai dâm, chunglêng vatehai dâm, rama ramsahai dâm, hnuoi chunga bawkvâka invâk thilhringhai po po dâm, hnuoi phêk chunga mihriem umhai po po dâm, ka hmaihmaa chun inthin an ta, tlânghai chu pei thlûkin um an ta, hmun inṭênhai chu tlathlâng an ta, kulbang tinhai chu hnuoiah tlâng an tih.

EZEKIEL 43:2

chun, ngai ta, saktienga inthawk chun Israel Pathien ropuina chu a hung tlung ta a; chun, a râwl khawm chu tui tamtak ri ang a nih; chuongchun, a ropuina chun hnuoi chu a var ta a.

HABAKKUK 3:6

A ngîr a, hnuoi chu ân hnîng a; Hnamhai chu a en a, a hnawt dar ta a; Kumkhaw tlânghai khawm chu sukdarin an um a, Chatuon muolhai chu an kûn bawk a; A lampuihai chu chatuona mi an nih.

ZEKARIA 14:10

Ram po po chu Araba, Gebaa inthawka Jerusalem sima Rimmon tienga a lêtkîr angin inher tâng a ta; chun, Jerusalem chu chawisângin um a ta, ama hmun ngei, Benjamin in kawtkhâra inthawka kawtkhâr hmasatak, kul kil kawtkhâr chen le, Hananel in insânga inthawka lal uoin sâwrna khur chenin, chang tâng a tih.

ZEKARIA 14:7

amiruokchu, ni khat, Lalpa ihriet chu um a tih; sûn khawm ni naw ni a, zân khawm ni naw bawk a tih, amiruokchu, zântieng huna hin var chu hung um a tih.

ZEKARIA 14:8

Chun, chu nia chun tui hringhai Jerusalema inthawkin hung suok a ta; a chenve chu saktieng tuipuiah, a chenve chu thlangtieng tuipui-ah, nipui lai le thlasik huna khawm a ni ding a nih.

ZEKARIA 4:7

Aw tlâng lien, tu am i na? Zerubbabel hmaa chun phaizâwl hung ni el i tih, chun, ama chun a chungah, “Zângaina, zângaina,” ti khêkrihai leh lung chunghnungtak chu hung la suok a tih.

MARKA 11:23

Titakzetin ka hril cheu hi, tûkhawm hi tlâng kuoma hin, ‘Insawn la, tuisuorietah dehâwnin um rawh,’ tia a lungrila ringhla lova a iti chu tlung ngei a tih ti ring taphawtin an hril ang phawt chu hmûng an tih.