ZEKARIA 14:21 - Pathien Lekhabu Inthieng (BSI)

²¹ Anih, Jerusalema bêl tinhai le, Juda rama bêl tinhai chu sipaihai Lalpa ta dinga inthieng ni vawng tâng an tih; chun, mi inthâwihai po po chu hung an ta, hung lâng an ta, chu chun suong an tih; chun, chu nia chun sipaihai Lalpa ina chun Kanaan mi ti bîk khawm um ta naw nih.

ZEKARIA 14:21 ပူးပေါင်းရင်းမြစ်များ

NEHEMIA 8:10

Chuongchun, ama chun an kuomah, “Fe unla, a thâu thâu fa unla, a thlum thlum dâwn unla, iengkhawm buotsai nei lohai ta dingin chanpuol inphur unla, vawisûn ni hi ei Lalpa ta dinga ni inthieng a ni hi; lungngaiin um naw ro, Lalpaa lâwmna chu in hrâtna a ni si a,” a ta.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 4:3

Chun, Ziona la um le, Jerusalema la umhai chu inthieng ti ni tâng an tih, Jerusalema a la damhai laia hming ziekhai po po chu:

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

EZEKIEL 44:9

“Lalpa Pathien chun hieng hin a ti a nih: Mi hmêlmak, lungrila sertan lo, tisa khawma sertan lo mi hmêlmak ieng ang khawm Israel thlahai laia lo um ta khawm chu, ka hmun inthienga chun a lût ding a ni naw a.

EZEKIEL 45:1

“Chu nawa khawm chun, rochan dinga aisâna ram chu i sem pha chun, Lalpa kuoma chun thilhlân în hlân ding a nih, ram ân thiengna hmun tak, a dung chu tawng sîng hni le sâng nga nîng a ta, a khang chu sîng hni nîng a tih: A sîr vêlin a ramri huopsûng po poa chun ân thieng ding a nih.

HOSEA 12:7

Sumdâwngtu a na, a kutah bûkna indik naw a um a, Hlêm ngawt a châk hlak a nih.

JOEL 3:17

Chuongchun, Lalpa in Pathien ka tlâng inthieng Ziona chêng ka nih ti hrieng in tih; chuongchun, Jerusalem khuo chu inthieng a ta, mikhuol tukhawm fethleng nâwk ta dêr naw ni hai.

ZEPHANIA 1:11

Nangni Maktes hmuna chênghai, inrûm inrûm ro; Kanaan sumdâwngtuhai po po chu hmangna bo an ni ta a, tangkaruo bûk hlaktuhai po po khawm chu sukbohmang an ni ta si a.

ZEKARIA 14:20

Chu nia chun sakawr dârṭhihai chunga chun, “ Lalpa TA DINGA INTHIENG,” ti um tâng a ta, Lalpa ina bêlhai khawm chu mâichâm hmaa maihûnhai ang ni tâng a tih.

ZEKARIA 7:6

In fâk a in dâwn lai khawmin in ta dingin in fâkin in dâwn ni lo am a nih?

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

DÂN PAHNINA 12:12

Lalpa in Pathien hmaa chun hlimtakin um in ta, nangni le in naupasalhai le, in naunuhmeihai leh, in suokpahai leh, in suoknuhai leh in khuohaia um Levi mihai leh, anni chun nangni lai chanvo le ram an nei ve si naw a.

DÂN PAHNINA 12:7

Chutaka chu, Lalpa in Pathien hmaa chun fâng in ta, in kut rasuok Lalpain mal a sâwmna cheua chun hlimtakin in um ding a nih, in sungkuoin.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

1 PETER 4:17

Rorêlna chu Pathien sûnghaia hin ṭan a hun ta si a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.