ZEKARIA 14:20 - Pathien Lekhabu Inthieng (BSI)

²⁰ Chu nia chun sakawr dârṭhihai chunga chun, “ Lalpa TA DINGA INTHIENG,” ti um tâng a ta, Lalpa ina bêlhai khawm chu mâichâm hmaa maihûnhai ang ni tâng a tih.

ZEKARIA 14:20 ပူးပေါင်းရင်းမြစ်များ

1 LALHAI 7:50

nohai, khâwnvar puon chepnahai, maihûnhai, haihawhai, riminhnik thlêng, meilâknahai, rângkachak hlîr hlak vawngin; in sûngril lem, hmun inthiengtak kawtkhârahai le, in (biek in chu) kawtkhâr inbûknahai chu rângkachakin.

2 CHANCHIN SUINA 4:8

Chun, dawkân sâwm a siem a, biekina chun a sie a, panga chu changtieng pangah, panga dang chu vawitiengah. Chun, rângkachak thlêngkûm za khat a siem bawk a.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

FESUOKNA 25:29

A thlênghai, haihawhai, notung seihai, noinkûmhai, dâwn mi thilinhlân bun suokna dingin siem i tih: chuong chu rângkachak inthiengin i siem ding a nih.

FESUOKNA 37:16

Chu dawkân chunga hmang ding chun bûrlebêlhai-thlenghai, riminhnik thlêngtêhai, no inkûmhai, notung seihai, dâwnmi thilinhlânhai bun suokna dingin rângkachak inthiengin a siem a.

FESUOKNA 39:30

Rângkachak inthiengin lukhim inthieng phêk an siem a, chutaka chun “Lalpa TA DINGA INTHIENG” ti an ziek a.

ISAI 23:18

Chun, a sum themsuok le a hlaw chu Lalpa ta dinga thil inthieng nîng a ta, chu chu inkhâwlin amanih, sie khâwlin amanih um naw ni a; a sum themsuok chu Lalpa hmaa umhai ta dingin a ni ding a ni si a; hnienghnâra an fâk ding le, silfên ropuitak an nei theina dingin.

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

JEREMIA 31:40

Chun, mithi ruong phairuom pumpui le, vut phairuom le Kidron vadungtê chen, saktienga sakawr dai kawtkhâr chen ram po po kha, Lalpa chanpuol nîng a tih, sukdar ni naw ni a, kumkhuoin pei thlâk khawm ni bawk naw nih.

EZEKIEL 45:1

“Chu nawa khawm chun, rochan dinga aisâna ram chu i sem pha chun, Lalpa kuoma chun thilhlân în hlân ding a nih, ram ân thiengna hmun tak, a dung chu tawng sîng hni le sâng nga nîng a ta, a khang chu sîng hni nîng a tih: A sîr vêlin a ramri huopsûng po poa chun ân thieng ding a nih.

LEVI DÂN 6:28

A suongna pil bêl chu sukkawi ding a na; dâr bêla suong a ni ruok chun nâwt faia intlêu fai ding a nih.

LEVI DÂN 8:9

Lukâwmm khawm ân kâwmtir a; lukâwm hmatieng chun rângkachak phêk suktuma um inchikna inthieng chu a bel a, Lalpain Mosie thu a pêk ang khan.

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

ZEPHANIA 2:11

An chunga chun Lalpa chu ṭiumtak nîng a ta; hnuoi chunga pathienhai po po chu a sukbohmang ding a ni si a; chuongchun, mihriemhai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkârhaia inthawk chun.

ZEKARIA 14:19

Hi hi Aigupta ram hremna chu nîng a ta, bâwkte ruoiṭhe nei dinga hang fe naw hnamhai ta dinga hremna ni bawk a tih.

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

ZEKARIA 9:15

Sipaihai Lalpa chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

NAMBAR 4:14

a chunga chun an rawngbâwl vêlna bûrlebêlhai po po, mei lâkna dâm, sa thurna thîrkuoi dâm, vutluo dâm, chawtawl dâm, maichâm bûrlebêlhai po po chu sieng an ta; chun, an inbûk ding a nih.

NAMBAR 4:7

Chun, inentirna bei dâwkân chunga chun thlênghai, riminhnik siena thlêngtêhai, thlêngkûmhai le dâwnmi thilinhlânna notung lienhai an sie ding a nih; chun, chatlak loa sie bei chu chutaka chun a um ding a nih;

NAMBAR 7:13

a thilinhlân chu tangkaruo thlêng pakhat a rikzie chu shekel za le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

NAMBAR 7:19

a thilinhlâna ding chun tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

THILTHAWHAI 10:15

Chun, rawl chun vawihninaah, “Pathienin a sukthieng ta chu nangin thiengnaw ti naw rawh,” a ta.

THILTHAWHAI 10:28

An kuomah, “Juda mîn hnam dang kuoma fe le pâwl a thieng nawzie nangnîn in hriet a nih; nisienlakhawm, tukhawm inthiengnaw le pawrche ka ti ding an nawh ti Pathienin a mîn hriettir a nih.

THILTHAWHAI 11:9

Nisienlakhawm, vâna inthawka rawl chun a vawi hninaah, ‘Pathienin a sukthieng ta chu nangin inthiengnaw ti naw,’ tiin a mi dawn a.

THILTHAWHAI 15:9

chun, anni le eini thlier bîk lovin, ringnain an lungril a sukthieng ta a.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

THUPUONGSUO 1:6

khuoletui le a Pathien le a Pa tienga thiempua mi siemtu kuomah, anih, ama kuom ngeiah, ropuina le rorêlna chu chatuonin um raw se! Amen.

THUPUONGSUO 20:6

Thonâwkna hmasaa ṭhanghai chu an hamṭhain an inthieng a nih; chuonghai chunga chun thi hnina chun thu hrim a nei naw a. Pathien le Krista thiempuhai nîng an ta, ama leh kum sâng khat rorêlin um lem an tih.

THUPUONGSUO 5:10

Kan Pathien ta dingin khuoletui le, Thiempuahai i siem ta si a; Chun hnuoiah ro rêl an tih,” tiin.

1 SAMUEL 2:14

chun, bêl bau lien amanih, bêl dâwt nei amanih, bêl khaina nei amanih, bêl amani sûng chu a zuk sun a; chun, chu sa thurna inzumin a hung thur suok po po chu thiempu chun a lâk hlak a nih. Chuong ang chun Israel mihai chutaka hung po pohai chu Silo khuoa chun an lo thawpêk hlak a.