ZEKARIA 14:2 - Pathien Lekhabu Inthieng (BSI)

² Jerusalem chu do dingin hnam po po chu ka kei khâwm ding a ni si a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khawpuia inthawka sât thlâk ni naw ni hai.

ZEKARIA 14:2 ပူးပေါင်းရင်းမြစ်များ

ISAI 13:16

An nautêhai khawm an mithmuah innâwi dar khawpa hnuoi vuoknaa hmangin um an ta, an inhai chu rawkin um a ta; an nuhmeihai chu pâwngsuol tuokin um bawk an tih.

ISAI 4:3

Chun, Ziona la um le, Jerusalema la umhai chu inthieng ti ni tâng an tih, Jerusalema a la damhai laia hming ziekhai po po chu:

ISAI 5:26

Hnam tin hlataka mihai ta dingin inchikna târ suok a ta, kâwlkawdawnga inthawka ko dingin faifûk a tih; chuongchun, ngai ta, anni chu inhmâwtakin hung vak an tih.

ISAI 65:18

Nisienlakhawm, ka thil siema chun kumkhuoin lâwmin hlim ro; ngai ta u, Jerusalem chu hlimnaah ka siem a, a mihai chu lâwmnaah ka siem a ni hi.

JEREMIA 21:4

Israel Pathien, Lalpa chun hieng hin a tih. Ngai ta, in kuta indona hriemhrei kul puoa, nangni hung inhuoltuhai cheu, Babulon lal le Kaldaihai i donahai chu inherkîrtir ka ta, hi khawpui sûnga hin anni chu kei khâwm ka tih.

JEREMIA 34:1

Babulon lal Nebukadnezzar le a sipaihai po po le, a ram sûnga hnuoi chunga lalram po pohai le mi po poin Jerusalem le a khawpuihai po po an do laia Lalpa kuoma inthawka Jeremia kuoma thu hung tlung chu:

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

EZEKIEL 5:8

Lalpa Pathien chun hieng ang hin a tih: Ngai ta u, kei hin, kei ngei hin ka dodâl cheu a nih; hnamhai mithmua ngei chun nangmaa chun rorêlna chu ka hung tirsuok ding a nih.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

JOEL 3:9

“Hi hi hnamhai lai chun hril dar unla, indona buotsai unla, mi hrâttakhai chawktho unla, indo mi po pohai hung hnai hai sienla, hung raw hai se.

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

ZEKARIA 12:2

“Ngai ta, a vêla hnamhai po po ta dingin Jerusalem chu inthinna noah siem ka ta, chun, Juda chunga khawm, Jerusalem inhuol nia chun chuong ang chu nîng a tih.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

ZEKARIA 12:9

Chun, chu nia chun Jerusalem hung thawtu hnam po pohai chu suksietna ding zawng vêng ka tih.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

MARKA 13:14

“Nisienlakhawm, sukrêmtu tirdakum chu a ngîr nawna dinga ngîr in hmu phâleh, (a tiem taphawt chun a umzie hre raw se); chu phâ chun Judai rama umhai chu tlânga dâm tlân hmang raw se;

MARKA 13:19

Chuong ni chu rimsik ni a ni ding a ni si a; chuong anga nasa hrim hrim chu Pathien isiem leilung insieng tîra inthawk tu chen hin a la um ngai naw a, iengtika khawm hung um nâwk ta naw bawk a tih.

LUKA 2:1

Chun, Kaisar Augustain khawvêl ram po po hming ziek ding thu a pêk a.