ZEKARIA 14:17 - Pathien Lekhabu Inthieng (BSI)

¹⁷ Chun, leihnuoia hnamhai po po tukhawm Laltak, sipaihai Lalpa chu be dinga Jerusalema hang fe nawhai chunga chun ruo sûr naw ni.

ZEKARIA 14:17 ပူးပေါင်းရင်းမြစ်များ

INṬANNA 10:32

Chuonghai chu Noa thlahai hnamhai an ni a, an thlahai ang peiin, an chihai lai chun: tui lêt hnungin chuonghaia inthawk chun a nih, hnuoia hin chi tin an indar ta chu.

INṬANNA 12:3

Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a ta.

INṬANNA 28:14

i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “Lalpa, a hmaa ka ngîrna hlak, Israelhai Pathien hringna sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

1 LALHAI 8:35

I chunga thil an suksuol leia, vân a ping a, ruo dâm a hung sûr naw pha chun hi hmun tieng hi nghaa an ṭawngṭai a, i hming an inpâk a, anni i sukrimsi leia an suolhai an sim chun;

2 CHANCHIN SUINA 6:26

I chungah thil an suksuol leiin, ruo sûr lovin vân chu lo ping ta sienla, hi hmun tieng nghaa an ṭawngṭai a, i hming an ṭan a, anni chu i hrem laia an suol chu an nghatsan chun,

2 CHANCHIN SUINA 7:13

Vân chu ka sukping a, ruo a sûr naw chun amanih, khâuhai chu ram chu fa zo dinga thu ka pêkin amanih, ka mihai laia hin hripui ka hung tîrin amanih;

ISAI 18:7

Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 60:12

I rawng bâwl nuom naw hnam le ram chu a bohmang âwm si a; anih, chuong hnamhai chu suksiet dêrin um an tih.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo si a; anih, ama chu an fâk zo a, an kânghmang dêr a, a umna khawm chu an suksiet a.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 14:4

Rama chun ruotui a um si naw a, leihnuoi beidawngumtak lei chun hnuoi inlettuhai chu an inzak a, an luhai an khum a.

AMOS 3:2

“Nangni chau hi khawvêla sûngkuo po po laia ka hriet in na; chuleiin, in khawhlona po poahai chun hrem ka ti cheu.

ZEKARIA 14:16

Chun, Jerusalem hung thawtu hnam po pohaia a la um sunhai chu kum tin tinin laltak, sipaihai Lalpa chu be ding le, Bâwkte ruoiṭhe chu nei dingin hang fe rawp hlak an tih.

ZEKARIA 14:9

Chun, Lalpa chu leihnuoi po po chunga laltak ni tâng a ta, chu nia chun Lalpa chu pakhat nîng a ta, a hming khawm pakhat chau nîng a tih.

DÂN PAHNINA 11:17

chuong a ni chun Lalpa lung chu in chungah hung inthawk a ta, vân chu khâr a ta, ruo sûr naw ni a; hnuoi chun a ra insuo naw ni a, chuongchun, Lalpa pêk cheu, ram ṭhataka inthawk hi bohmang vak el in tih.

JAKOB 5:17

Mi fel ṭawngṭaina chun thil nasatak a thaw hlak. Elija chu eini mizie ang nei mihriem bawk a ni a, ama chun ruo sûr nâwna dingin ṭhahnemngaitakin a ṭawngṭai a; chun, kum thum le thla ruk sûng po chu, hnuoi chungah ruo a sûr ta naw a.

THUPUONGSUO 11:6

Chuonghai chun an thu hril sûng po ruo sûr naw dinga vân sukping theina an nei a; an nuom pha phaa thisena inchangtir dingin tuihai chungah thu an nei a, khawvêl hi hremna tinrênga hrem dingin thu an nei bawk a.