ZEKARIA 14:16 - Pathien Lekhabu Inthieng (BSI)

¹⁶ Chun, Jerusalem hung thawtu hnam po pohaia a la um sunhai chu kum tin tinin laltak, sipaihai Lalpa chu be ding le, Bâwkte ruoiṭhe chu nei dingin hang fe rawp hlak an tih.

ZEKARIA 14:16 ပူးပေါင်းရင်းမြစ်များ

2 CHANCHIN SUINA 8:13

ni tinin vawi ieng zât pei amanih, châwlniahai, thla tharahai, ruoiṭhe hunahai Mosie thupêk ang peia inhlânin; kum khat sûngah vawi thum, chawl ṭhanglo bei ruoiṭhea le, hapta kâr ruoiṭhehaia le, bâwkte ruoiṭhehaia le chun.

EZRA 3:4

Chun, bâwkte ruoiṭhe khawm chu an nei a, zieka a um angin, thupêk ang peiin, ni tina thaw ding ṭul ang pei chun, ni tinin pumrawhmang thilinhlânhai chu an inhlân ta a;

INPÂKNA HLABU 66:4

Leihnuoi po pohai hin chibai bûk an ti che a, Nangma inpâkin hla sak an ta, I hming inpâkin hla sak an tih,” ti ro.

ISAI 18:7

Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 19:21

Chuongchun, Lalpa chu Aigupta mihai ihriet ni tâng a ta, Aigupta mihai chun chu nia chun Lalpa chu hre tâng an tih; anih, inthawina le thilpêkin chibai bûk an tih, Lalpa kuoma chun thu tiem an ta, muolsuo bawk an tih.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ISAI 66:23

Chun, hieng hi hung nîng a ta, thla thara inthawka thla thar dang chenin, châwlnia inthawka châwlni dang chenin mi po po ka hmaa chibai mi bûk dingin hung zut zut an tih, Lalpain a tih.

JEREMIA 46:18

Laltak a hming khawm sipaihai Lalpa chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 48:15

Moab chu suksietin a um a, a khawpuihai hlak chu meiin a khu a, a tlangvâlhai hlak chu that thlâk zo an ni ta a, Laltak, a hming sipaihai Lalpa chun a tih.

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai Lalpa chun a tih.

HOSEA 12:9

Nisienlakhawm, kei hi Aigupta rama inthawk ta khan, Lalpa i Pathien chu ka na; Ruoiṭhe hun lai ang khan puon inah lân chêngtir nâwk ka ti che.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

ZEKARIA 14:9

Chun, Lalpa chu leihnuoi po po chunga laltak ni tâng a ta, chu nia chun Lalpa chu pakhat nîng a ta, a hming khawm pakhat chau nîng a tih.

ZEKARIA 9:7

A thisen chu a baua inthawkin le a tirdakumna chu a hahai kâra inthawkin la hmang ka ta; ama khawm chu ei Pathien ta dinga a la um sun hung nîng a tih; Judaa chun lal hung nîng a ta, Ekron mihai chu Jebus mi ang hung nîng an tih.

MALAKI 1:14

Amiruokchu, a berâm ruol lai a chal, tiemkam sa tah neia, Lalpa kuoma demuma inthâwi a, hlêmtu chu ṭawngsephurin um raw se: lal ropuitak ka ni si a, ka hming khawm Jentailhai kuom chena khawm ṭi a um a nih, sipaihai Lalpa chun a tih.

LUKA 19:38

“Lalpa hminga hung chu inpâkin um raw se; vânah inremna inlêng sienla, achunghnungtaka khin ropuina um raw se,” tiin.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 7:2

Chun, Judahai Bâwktê Ruoiṭhe chu a hnai ta a.

THILTHAWHAI 15:17

Mi dang, Jentailhai po po ka hming mîn ṭawmpuihai chun, Lalpa an zawngna dingin Chu bâwktê chu tungding ka tih, tiin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:16

Chun, bei tlang ât thlâk hmasatak chu inhlân thieng a ni chun a pumin chuong ang bawk chu a nih. A zung ân thieng chun a kâuhai khawm chuong ang bawk chu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26

Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:5

Chuong ang bawkin, tulai khawm hin lunginsietnaa thlang ang peiin pei thlâk mahla chu an la um.

THUPUONGSUO 11:13

Chun, chu lai tak chun simkhawleihnuoi nasatakin a hung inhnîng a, khuo chu hmun sâwma ṭhea hmun khat a chim ta a, simkhawleihnuoi inhnînga chun mi sâng sari an thi a; a danghai chun an ṭi a, vân Pathien chu an chawimawi ta a.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.