ZEKARIA 14:12 - Pathien Lekhabu Inthieng (BSI)

¹² Chun, hihi Jerusalem dotu hnam po pohai Lalpain a hremna ding hri chu nîng a tih; an kehaia an ngîr zing laiin an taksa chu hung hmawn hmang a ta, an mithai chu an mitkhurhaia chun hung hmawn hmang a ta, an leihai khawm chu an bauah hung hmawn hmang a tih.

ZEKARIA 14:12 ပူးပေါင်းရင်းမြစ်များ

2 CHANCHIN SUINA 21:15

i phîng natna leiin nang khawma natna nasatak nei i ta; ni tin tinin, chu natna leia i rîlhai a suok zo vawng hmakhat chun nei i tih,’ ” tiin.

JOB LEKHABU (THE BOOK OF JOB) 18:13

A taksa pênghai chu fa zo vawng a ta, Anih, thina nau lutîr chun a pênghai chu fa zo vawng a tih.

INPÂKNA HLABU 90:11

Tuin am i lunginsenna thilthawtheizie hrea, Nangma ṭi dingzie anga i lunginsenna hrie le?

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:18

Chuong sa khawma ka thu in la pawm naw rawp chun, in suolhai leiin a let sariin la hrem ka ti cheu a;

LEVI DÂN 26:21

“Kei a mi kal zâwnga in um a, ka thu in pawm naw chun, in suolhai zirin a let sariin in chungah hremna intlungtir ka tih.

LEVI DÂN 26:24

kei khawm nangni kal zâwngin um ka ta, keima ngeiin in suolhai leiin a let sariin hrem ka ti cheu.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

ZEKARIA 1:15

Chuongchun, hnam nuomsaa umhai chunga chun ka lungni naw êm êm a; lungni naw dep chu ka ni de a, anni chun sukrinumna chu an sukzuol pei si a, tiin,’ a ta.

ZEKARIA 12:9

Chun, chu nia chun Jerusalem hung thawtu hnam po pohai chu suksietna ding zawng vêng ka tih.

ZEKARIA 14:15

Chun, hi hri ang bawk hin, chuong puon inhaia um ran po pohai, sabengtung dâm, sanghâwngsei dâm, sabengtung lien chi dâm, sakawr dâm hri chu chuong ang bawk chun um a tih.

ZEKARIA 14:18

Aigupta hnam khawm chu a hang fe naw a, a hung naw chun, an chungah sûr bik naw ni a, bâwkte ruoiṭhe nei dinga hang fe nawhai hnam Lalpain a hremna hri chu an chungah um a tih.

ZEKARIA 14:3

Chun, Lalpa chu fe suok a ta, indona nia a do angin, chuong hnamhai chunga chun do a tih.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

DÂN PAHNINA 28:21

“Hluo dinga in lûtna rama inthawka a sukbohmang vawng hmakhat cheu chun Lalpain hri inkawltir tlat a ti cheu.

DÂN PAHNINA 28:22

Lalpain ngawrna dâm, khawsik dâm, invûngna dâm, pang satna dâm, kâwlhnâm dâm, ṭâwlna dâm, hmawnna dâmin hrem a ti cheu a, in bohmang hmakhat chun hnawt pei a ti cheu.

DÂN PAHNINA 28:59

Lalpain nangni le in thlahai chungah hri maktak, hripui inlêng zing, natna rinumtak inlêng zing chi inlêngtir a tih.

THUPUONGSUO 17:16

Chun, ki sâwm i hmu le sahrâng chun nawchizawr chu theidâng an ta, iengkhawm neinaw le saruokin siem an tih, a sa khawm fâng an ta, meiin rawhmang an tih.