ZEKARIA 14:11 - Pathien Lekhabu Inthieng (BSI)

¹¹ Chun, mihai chu a sûnga chun chêng an ta, ṭawngsie hrim um ta naw ni a; Jerusalem chu himtaka hluo ni lem tâng a tih.

ZEKARIA 14:11 ပူးပေါင်းရင်းမြစ်များ

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 60:18

Nunsetaka thil thaw ri chu i ramah hriet ni ta naw ni a, râusanna le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawtkhârhai khawm, “Inpâkna” ti bawk i tih.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, Lalpain a tih.

JEREMIA 31:40

Chun, mithi ruong phairuom pumpui le, vut phairuom le Kidron vadungtê chen, saktienga sakawr dai kawtkhâr chen ram po po kha, Lalpa chanpuol nîng a tih, sukdar ni naw ni a, kumkhuoin pei thlâk khawm ni bawk naw nih.

JEREMIA 32:37

Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, sukpung ka ta, anni laia chun ka hmun inthieng chu kumkhawtluongin sie tâng ka tih.

JOEL 3:17

Chuongchun, Lalpa in Pathien ka tlâng inthieng Ziona chêng ka nih ti hrieng in tih; chuongchun, Jerusalem khuo chu inthieng a ta, mikhuol tukhawm fethleng nâwk ta dêr naw ni hai.

JOEL 3:20

Juda ram ruok chu kumkhuoin um zing a ta, Jerusalem chu suona inthawka suon dang chenin.

AMOS 9:15

An ramah anni chu phun ka ta, an kuoma ka pêk an rama inthawk phawidawkin um nâwk ta naw ni hai,” Lalpa i Pathien chun a tih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

ZEKARIA 8:4

Sipaihai Lalpa chun hieng hin a tih, “Jerusalem kawtthlêrhaia chun pitar le putarhai, tar êm êm leia kuta funghrawl ṭhunhai chu la um an tih.

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.

NAMBAR 21:3

Chuongchun, Lalpain Israel mihai thu chu a pawm a, Kanaan mihai chu a pêk a, anni le an khuohai chu an sukbohmang ta a; a hmun hminga chun Horma an inbûk a.

DÂN PAHNINA 33:28

Chun, Israel chu râlmuongtakin a um a, Jakob tuisunsuo chu a pumbil a, Bu le uoin rama chun, Anih, a vânhaiin dâidâw an infartir a,

THUPUONGSUO 21:4

An mita inthawkin mitthli po po hrufai a ta; Thina um nâwk ta naw ni a, Lungngai dâm, ṭap dâm, nat dâm khawm, Um nâwk ta bawk naw ni a; Thil hmasahai chu a bo tah,” tiin.

THUPUONGSUO 22:3

Chun, ṭawngsie hrim um nâwk ta naw ni a, Pathien le Berâmte lalṭhungpha chu um lem tâng a tih; chuongchun, a suokhai chun a rawng bâwl an ta,