ZEKARIA 14:10 - Pathien Lekhabu Inthieng (BSI)

¹⁰ Ram po po chu Araba, Gebaa inthawka Jerusalem sima Rimmon tienga a lêtkîr angin inher tâng a ta; chun, Jerusalem chu chawisângin um a ta, ama hmun ngei, Benjamin in kawtkhâra inthawka kawtkhâr hmasatak, kul kil kawtkhâr chen le, Hananel in insânga inthawka lal uoin sâwrna khur chenin, chang tâng a tih.

ZEKARIA 14:10 ပူးပေါင်းရင်းမြစ်များ

1 LALHAI 15:22

Chuongchun, lal Asa chun Judai ram po poa chun thu ân phur vêl ta a; tukhawm a âwl bîk hrim hrim an um nawh, chuongchun, Baasain Rama khaw siemna dinga thing le lung a hmanghai chu an thak a; chuonghai chu hmangin lal Asa chun Mizpa khuo le Benjamin rama Geba khuo a siem a.

2 LALHAI 14:13

Chun, Israel lal Jehoas chun Juda lal Ahazia naupa Jehoas nau Amazia chu Bethsemesa chun a man a, Jerusalem khuoah a fe a, Jerusalem kul chu Ephraim kul kawtkhâra inthawka kul kil kawtkhâr chenin tawng za li zet a sukchim a.

1 CHANCHIN SUINA 4:32

Chun, an khawperhai chu: Etam, Ain, Rimmon, Token le Asan, khaw panga hi an nih; Baal chena a vêla an khuohai po po le chun.

1 CHANCHIN SUINA 6:77

Levi mihai mi dang, Merari naupasalhai kuoma chun Zebulun hnam chanpuola inthawkin Rimmon, a vêl khuohai leh; Tabor, a vêl khuohai leh;

2 CHANCHIN SUINA 25:23

Chun, Israel ram lal Joas chun Jehoahaz naupa Joas naupa Juda ram lal Amazia chu Beth-semesa chun a man a, Jerusalema chun a hung ṭhuoi a, Ephraim tienga dâi kawtkhâra inthawka a kia dâi kawtkhâr chen, tawng za li zet Jerusalem kul chu a vuok chim a.

2 CHANCHIN SUINA 26:9

Chunawa khawm, Uzzia chun a Kil dâi Kawtkhâr bula dâm, Ruom dâi Kawtkhâra dâm, chun, kul hung kâwina hmuna dâm khan vêngna in insânghai a bâwl a, sipaihai a sie sip a.

NEHEMIA 12:39

Ephraim kawtkhâr chunga dâm, Kawtkhâr hluia dâm, nga kawtkhâra dâm, Hananel insânga dâm, Za insânga dâm, Beram kawtkhâr tlung rakin; chun, Vengtu kawtkhâra chun an ngîr a.

NEHEMIA 3:1

Chuongchun, thiempu lal Eliasib chu a unau thiempuhai le chun an tho a, Berâm kawtkhâr chu an siem a; an sukthieng a, kawtkhârhai chu an siem a; Hammea in insâng chenin an sukthieng a, Hananel in insâng chen chun.

ISAI 10:29

kâwnah an liem tah, Geba khuoah an riek tah; Rama khuohai chu an inthin an inthin el tah. Saula Gibea khuohai chu an tlânse tah.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

JEREMIA 20:2

Pashur chun zâwlnei Jeremia chu a hrem a, Lalpa ina Benjamin dai kawtkhâr chunghnung lema um, intângna ina chun a khum a.

JEREMIA 30:18

Lalpa chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 37:13

Ama chu Benjamin dai kawtkhâra a um lai chun, vêngtu sipai hotu chutaka chun a lo um a, a hming chu Hanania naupa Selemia naupa Irija a nih; ama chun, “Kaldaihai kuomah în pe a nih,” tiin zâwlnei Jeremia chu a man ta a.

JEREMIA 38:7

Chun, Ethiopia mi, Ebed-melek, mi tillâk, lal ina um chun Jeremia chu khurthim sûnga chun an sie ti a hriet chun chu lai chun lal chu Benjamin dai kawtkhâra khan a ṭhung a.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

MIKA 4:1

Nisienlakhawm, ni nuhnungahai chun hieng ang hi hung nîng a ta; Lalpa in umna tlâng chu tlâng lienhai chunga chun sukdet nîng a ta, tlâng chînhai chunga chun chawisângin um bawk a tih; chutaka chun chi tinrênghai chu fe hum hum an tih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

JOSUA 15:32

Lebaoth, Silhim, Ain le Rimmon hai hi a nih; khawpui po po chu a sîrvêl khuohai leh sâwmhni pakuo a nih.

JOSUA 21:17

Chun, Benjamin hnam chanpuola mi chu Gibeon le a khaw kâwlvêlhai, Geba le a khaw kâwlvêlhai,

RORELTUHAI 20:45

Chun, an intâwl a, thlalêr tieng Rimmon lungpuiah an tlânsie a; mi sâng nga chu lamlienhaia chun an that a, Gidom chenin an hnawtzui ngat ngat a, mi sâng hni an that a.

RORELTUHAI 20:47

Mi za ruk ruok chu thlalêr tieng Rimmon lungpuiah an tlânsie a, chu Rimmon lungpuia chun thla li an um a.

RORELTUHAI 21:13

Chun, inkhâwmhai po po chun mi an tir a, Rimmon lungpuia um Benjamin mihai an va biek a, an kuomah inremna thu an puong a.