ZEKARIA 13:9 - Pathien Lekhabu Inthieng (BSI)

⁹ Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

ZEKARIA 13:9 ပူးပေါင်းရင်းမြစ်များ

2 SAMUEL 7:24

Chuongchun, i mi Israelhai chu chatuona i mihai an ni theina dingin i ta dingin i suknghet ta a; chun, Lalpa, nang chu an Pathien i hung ni ta a.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

JOB LEKHABU (THE BOOK OF JOB) 28:1

“Tangkaruo ta ding chun chosuokna hmun chu a um ngei a nih, Rângkachak ta dinga sukthiengna hmun leh.

INPÂKNA HLABU 144:15

Chuong anga um mihai chu lâwmtakin an um hlak a: Anih, Lalpa Pathiena nei mihai chu lâwmtakin an um hlak.

INPÂKNA HLABU 43:4

Chuongchun, Pathien maichâm kâwlah fêng ka ta, Pathien ka hlimna bêk bêk kuoma chun: Aw Pathien, ka Pathien, ṭingṭangin inpâk bawk ka ti che.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

THUVARHAI 17:3

Rawtuina bêl chu tangkaruo ta ding a na, pûm mei chu rângkachak ta ding a nih, Lalpa ruok chun lungril a fie hlak.

HLAHAI HLA 2:16

Ka hmangaitak chu ka ta a na, kei khawm a ta ka nih; Ama chun a ran ruol chu lilihai lai chun ân tlattir hlak.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 48:10

Ngai ta u, ka sukthieng cheu a na, nisienlakhawm, tangka sukthieng ang chun a ni nawh; rinumna raw tuina meia chun ka fie cheu a nih.

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

JEREMIA 24:5

“Lalpa Israel Pathien chun hieng hin a tih: An ṭhatna dinga, Juda sal intâng, hi hmuna inthawka Kaldai rama ka tirhai chu hi theichang ṭhahai ang hin ngai ka ta.

JEREMIA 30:22

Chuongchun, ka mihai nîng in ta, kei chu in Pathien nîng ka tih.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:38

anni chu ka mihai nîng an ta, kei khawm an Pathien nîng ka tih;

JEREMIA 9:6

I umna hmun chu nêksâwrna chunga nêksâwrna a na; inhlêmna chunga inhlêmna umkhâwmna a ni leiin an mi hriet nuom naw a nih, Lalpa chun a tih.

EZEKIEL 11:20

Ka thuruothaia an fe theina ding le, ka dânhai chu an kawl a, an thaw theina dingin; chun, ka mihai hung nîng an ta, kei khawm an Pathien nîng ka tih.

EZEKIEL 14:11

Israel sûngkuo chu keimaa inthawka an fe pêt ta nawna ding le, an bawsietnahai po po leia anni an insukpawrche ta nawna dingin; amiruokchu, ka mihai an hung ni theia, an Pathien ka ni theina dingin, Lalpa Pathien chun a tih,’ tiin,” a ta.

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, Lalpa chu ka nih, ti mi hre tâng in tih.

EZEKIEL 36:28

In thlatuhai kuoma ram ka pêka chun chêng in ta, nangni chu ka mihai nîng in ta, kei khawm in Pathien nîng ka tih.

EZEKIEL 37:27

Ka biekbûk khawm chu anni lai chun um a ta, an Pathien nîng ka ta, anni chu ka mihai nîng an tih.

DANIEL 11:35

Chun, chuong a varhai chu hun tâwpa chun anni chu sukvar ding le, sukfai ding le, sukṭha dingin tlûng an tih; hun ruota ding chu a la ni leiin.

DANIEL 12:10

Mi tamtak chu anni le anni insukthieng an ta, insukvâr an ta, insukthieng an tih; nisienlakhawm, mi khawhlohai chun khawhlotakin thâwng an ta; mi khawhlohai tukhawmin hrethiem naw ni hai; amiruokchu, a varhai chun hrethiem an tih.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

LEVI DÂN 26:12

Nangni lai chêng ka ta, in Pathien nîng ka ta, nangni khawm ka mihai nîng in tih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei si a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, Lalpa an Pathien ka ni si a.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.

THILTHAWHAI 2:21

Chun, hieng hi nîng a ta, Tûkhawm Lalpa hming lam taphawt chu sandamin um an tih,’ a tih, a ti kha.

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

1 PETER 4:12

Dittakhai, nangni laia fiena nasatak hung um, nangni fiena dinga in chunga hung tlung hi, thil mak in chunga tlung angin makti naw ro.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.

THUPUONGSUO 8:10

Vântirko pathumna chun a hang mût a; chuongchun, arasi lientak, meiser anga chawk, vâna inthawkin a hung tla a, vadung hmun thuma ṭhea hmun khat le tuikhurhai chu a del ta a.

THUPUONGSUO 8:11

Chu arasi hming chu Sairam a nih. Tui hmun thuma ṭhea hmun khat chu sairamah a hung inchang ta a; chuongchun, chu tui chu an dâwn a, mi tamtak an thi a, a hung khâk tâk leiin.

THUPUONGSUO 8:12

Vântirko palina chun a hang mût a; chuongchun, nisa hmun thuma ṭhea hmun khat, thla hmun thuma ṭhea hmun khat, arasihai khawm hmun thuma ṭhea hmun khat chu suksiet a ni ta a; chuonghai hmun thuma ṭhea hmun khat chu ân thimna ding le, sûn chu hmun thuma ṭhea hmun khat a var nawna dingin, zân khawm chuong ang bawkin a nih.

THUPUONGSUO 8:7

A hmasatak chun a hang mût a, riel le mei, thisen le inpawl, a hung um nghâl a, chu chu hnuoia pei thlâkin a um ta a; hnuoi hmun thuma ṭhea hmun khat a kâng hmang a, thinghai khawm hmun thuma ṭhea hmun khat a kâng hmang a, hlohna hring po po khawm a kâng hmang ta bawk a.

THUPUONGSUO 8:8

Vântirko pahnina chun a hang mût a; chuongchun, tlâng lientak meia kâng lai ang tuisuorietah an pei thlâk a.

THUPUONGSUO 8:9

Chuongchun, tuisuoriet hmun thuma ṭhea hmun khat chu thisenin a hung inchang ta a. Tuipuia thilsiem, hringna neihai chu, hmun thuma ṭhea hmun khat chu an thi ta bawk a, lawnghai khawm hmun thuma ṭhea hmun khat chu suksiet a ni ta bawk a.