ZEKARIA 13:8 - Pathien Lekhabu Inthieng (BSI)

⁸ Lalpa chun, “Chu nia chun hieng hi hung nîng a ta, ram po poa chun, chutaka hmun hni chu sât thlâk nîng an ta, thîng an tih; chun, a hmun thumna chu hla nîng an tih.

ZEKARIA 13:8 ပူးပေါင်းရင်းမြစ်များ

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

JEREMIA 30:11

Nangma sandam ding chein i kuomah ka um si a, Lalpa chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti che a, hrem lovin ieng kawnga khawm mâksan naw ning che.

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, Lalpa chu ka nih, ti mi hre tâng in tih.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

AMOS 9:10

Ka mihai mi suol po po, ‘Sietna chun mi hnawt phâk naw ni a, mi nang bawk naw ni,’ tihai chu kâwlhnâmin thîng an tih.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, Lalpa hming chu ring tâng an tih.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

MARKA 13:20

Chun, Lalpân chuong nihai chu suktawi naw sien chu mihriem hrim hrim damin suok naw ni hai; nisienlakhawm, mi thlang a iruothai leiin nihai chu a suktawi a.

THUPUONGSUO 16:19

Chuongchun, khaw ropui chu hmun thumah a hung inṭhe a, hnam tin khuohai chu a hung chim a; chun, a lunginsen nasatna uoin no chu a kuoma pêk dingin Babulon khaw ropui chu Pathien hmaa hriet zingin a lo um ta a.