ZEKARIA 13:4 - Pathien Lekhabu Inthieng (BSI)

⁴ Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

ZEKARIA 13:4 ပူးပေါင်းရင်းမြစ်များ

2 LALHAI 1:8

Anni chun, “Ama chu sahmul puon sila, a kâwng chu kâwngkhia inhrên a nih,” tiin an dawn a. Chun, ama chun, “Tisbe mi Elija kha a ni chu,” a ta.

ISAI 20:2

chu lai chun Lalpain Amoz naupa Isai bauin, “Fe la, i kâwnga saiip puon kha hlîp la, i kea kekawk kha sie rawh,” tiin a hril a. Chuongchun, chuong ang chun a thaw a, saruok le kekawk bun lovin a fe a fe ta a.

JEREMIA 2:26

“Inru chu hmusuok a ni pha chun ân zak angin, Israel sûngkuo khawm chu chuong ang chun ân zak a nih; anni le an lalhai, an rorêltuhai, an thiempuhai, an zâwlneihai chun,

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, Lalpa chun a tih.

JEREMIA 8:9

Mi varhai chu an inzak a, sukbeidawngin an um a, ṭhuoi hmangin an um a; en ta u, Lalpa thu chu an dit naw chu: annia chun ieng ang varna hrim am a um a na ?

MATTHAI 3:4

Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

MARKA 1:6

Chun, Johan chu sanghâwngsei hmul puonin ân thuom a, a kâwngah savun kâwngkhiin ân khit a, rama khuoizu le khâuṭhikṭhi buin a ring a.

HEBRAIHAI 11:37

lunga dêngin an um a, thingâtnaa ât bawngin an um a, thlêmna an tuok a, kâwlhnâma sât hlumin an um a, berâm vun le kêl vun silin an invai a; rimsitakin, rinumtakin, suknawmnatin an um a.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.