ZEKARIA 12:8 - Pathien Lekhabu Inthieng (BSI)

⁸ Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ZEKARIA 12:8 ပူးပေါင်းရင်းမြစ်များ

INPÂKNA HLABU 8:5

Ama chu Pathien nêka inhnuoi deu chauin i siem a, Ropuina le chawimawina în khumtir si a.

INPÂKNA HLABU 82:6

“Pathienhai in na, In rêngin Achunghnungtak nauhai in nih,” ka ti kha.

FESUOKNA 14:19

Chun, Lalpa vântirko Israelhai bûk hmaa fe chu ân tâwl a, an hnungah a fe ta a: chun, sûm ngîr chu an hmaa inthawkin ân tâwl a, an hnungah a ngîr a:

FESUOKNA 33:2

In hmaah ka vântirko tir ka ta, Kanaan mihai, Amor mihai, Hit mihai, Periz mihai, Hiv mihai le Jebus mihai chu hnawt suok ka tih.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 31:4

Lalpa chun hieng ang hin ka kuomah a hril si a, “Sakeibaknei le sakeibaknei vânglaiin sa a hau lai chun berâm vêngtu tamtak a thaw dinga ko suokin um hai sienla khawm, an râwl chu ṭi naw ni a, an risiet leiin ân tîm chuong naw ding ang hin, sipaihai Lalpa chu Zion tlânga le a muol pâwnga thaw dingin a hung ṭum ding a nih.

ISAI 33:24

Chu khuoa um chun, “Ka damnaw ie,” ti naw ni a, a sûnga mi umhai chu suol ngaidamin um an tih.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

JEREMIA 27:10

in rama inthawka hlataka sawnhmang ding cheuin anni chun khêlthu an hril cheu a ni si a; nangni chu ka hnawt suok cheu a, in bohmangna dingin.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

HOSEA 12:3

Sula khawm khan a unaupa chu a kekhawngah a hung man a, A hung puitling khan Pathien chu ân beipui a,

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

JOEL 3:10

In hnuoi inletna hmawrzumhai kâwlhnâmah sut unla, in thei kûng âtbawngna chemtêhai chu feiah sut ro; mi hrât naw khawm a, Ka hrât a nih, ti raw se.

LEVI DÂN 26:8

Mi pangain za hnawt in ta, mi zain sîng hnawt in ta; in hmêlmahai chu in hmaah kawlhnâma thatin um an tih.

MIKA 5:8

Jakob mi hlâbîkhai chu hnamhai laia le chi tamtakhai laia chun ramhnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

MIKA 7:16

Hnam tinin chu chu hmûng an ta, an thilthawtheina po po chu inzâpui an tih; an hmûr hup an ta, an nahai sêt a tih.

MIKA 7:8

Aw ka hmêlma, mi diriem el naw rawh, ka tlûk pha khawm tho nâwk ka tih; inthima ka ṭhung khawmin Lalpa chu ka ta dinga var nîng a tih.

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni si a, Lalpa chun a tih,” a ta.

ZEKARIA 9:14

Lalpa chu anni chunga chun hmu nîng a ta, a thal chu kâwlinlep angin fe suok a tih; chun, Lalpa Pathien chun tawtawrâwt chu mût a ta, simtieng thlivir le chun fêng a tih.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta si a.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, taksa tienga sui chun Krista chu anni laia inthawka hung suok a ni si a; ama chu thil tinrêng chunga um a na, chatuona inpâk tlâk Pathien a nih. Amen.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 11:34

Hrât nawnaa inthawka hrâttaka siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

JOSUA 23:10

Nangni laia mi pakhat chun mi sâng khat in hnawt a, in kuoma a lo hril ta angin, Lalpa in Pathien hin a do pêk hlak cheu leiin.

THUPUONGSUO 22:13

Kei Alpha le Omega, a Hmasatak le a Nuhnungtak, a Bul le a Tâwp ka nih.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.