ZEKARIA 12:4 - Pathien Lekhabu Inthieng (BSI)

⁴ Lalpa chun a tih, “Chu nia chun sakawr tin chu maktinain hrem ka ta, a chunga chuongtu chu invêtnain; chun, Juda insûng chunga chun ka mit meng ka ta, hnam tin sakawr chu mit indelnain hrem ka tih.

ZEKARIA 12:4 ပူးပေါင်းရင်းမြစ်များ

1 LALHAI 8:29

hi hmun tieng nghaa i siehlaw hin ṭawngṭaina ân sam ding chu ngaia nangin, ‘Chutaka chun ka hming chu um a tih,’ i tina hmun ngei in tieng hin a sûn a zânin i mit în lên zing theina dingin.

2 LALHAI 6:14

Chuongchun, sakawr dâm, tawlailîr dâm, sakawr tamtakhai chutaka chun a tir a, zânah an va fe a, khuo chu an inhuol ta mup el a.

2 LALHAI 6:18

Chun, ama tieng an hung thla chun, Elisa chun Lalpa kuomah a ṭawngṭai a, “Hienghai hi an mit hung sukdelpêk tâwl ta,” a ta. Chun, Elisa thu angin an mithai chu a hung sukdelpêk tâwl ta a.

2 CHANCHIN SUINA 6:20

i hmun tieng nghaa i siehlaw hin a ṭawngṭai pha, ṭawngṭaina chu lo ngai dingin, ‘Chutaka chun ka hming chu sieng ka tih,’ i tina hmun tieng ngei chu, chu in tienga chun a sûn a zâna i mit chu în lên theina dingin.

2 CHANCHIN SUINA 6:40

Tuhin, aw ka Pathien, ka ngên che, hi hmuna ṭawngṭaina hi, i mitin hmu sienla, i na chun lo ngai raw se.

2 CHANCHIN SUINA 7:15

Chuongchun, hi hmuna ṭawngṭaina inhlâna umhai chu, ka mithai chu meng ka ta, ka nahai chun ngai a tih.

NEHEMIA 1:6

Israel mipuihai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel mipuihai ka ngênpêkna hi mi lo ngaithlapêk la; kei le ka pa sûnghai chu kan lo suol ta si a.

ISAI 24:21

Chun, chu nia chun Lalpa chun chungtienga mi achunghnunghai pâwl lientak chu hrem a tih, hnuoia hnuoi lalhai leh.

ISAI 37:17

Aw Lalpa, i na hung sit la, ngai ta; aw Lalpa, i mit meng la, en ta; Pathien hring hi hrilse dinga mihai tirtu Sennakerib thuhai po po hi ngai ta.

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

EZEKIEL 38:4

i hnung innghattir ka ti che a, i khâkruhaia chun ngakuoihai kuoi ka ta, nang le i sipai pâwl po po, kâwlhnâm hmangtuhai po po, âwmphaw le phaw hmanga pâwl nasatakhai leh, râlthuom famkima inthuomhai po po le, sakawrhai le i sakawr chung chuong mihai po po leh ka khai dawk ding cheu a nih,

EZEKIEL 39:20

Chun, ka dâwkâna chun sakawrhai, sakawr tawlailîrhai, mi thilthawtheitakhai le indo mihai po po chun sukkhawpin um in tih, Lalpa Pathien chun a tih.

DANIEL 9:18

Aw ka Pathien, i na hung sit la, hung ngai ta; i mithai hung meng la, sukrêma kan umnahai le, i hming inchawia sak khuo hi hung en ta; kan felnahai ni lovin, amiruokchu, i zângaina leiin kan hninahai chu i hmaah kan hung intlun a ni lem si a.

ZEKARIA 10:5

Chun, indona chun an hmêlmahai chu kawtthlêra chirhak chîl anga chîlin mi thilthawtheitakhai hung nîng an ta, Lalpa chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

ZEKARIA 12:11

Chu ni chun, Megiddo ruoma Hadad-rimmon ṭa angin, Jerusalema chun nasataka sûnna um a tih.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

ZEKARIA 12:5

Chun, Juda lalhai chun an lungrilin, ‘An Pathien sipaihai Lalpaa chun Jerusalem hluotuhai chu ka hrâtna an nih,’ la tîng an tih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 14:15

Chun, hi hri ang bawk hin, chuong puon inhaia um ran po pohai, sabengtung dâm, sanghâwngsei dâm, sabengtung lien chi dâm, sakawr dâm hri chu chuong ang bawk chun um a tih.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta si a.

THILTHAWHAI 17:30

Chuongchun, Pathienin ei hriet naw laihai kha hriet naw tehlêm a thaw hlak a; nisienlakhawm, tuhin chu ram tina mi po po sim ding thu a pêk tah a nih, ni a tiem leiin;

DÂN PAHNINA 28:28

Invêtna dâm, mit indelna dâm, ṭitna dâmin Lalpain hrem a ti cheu;