ZEKARIA 12:10 - Pathien Lekhabu Inthieng (BSI)

¹⁰ Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

ZEKARIA 12:10 ပူးပေါင်းရင်းမြစ်များ

INṬANNA 45:1

Chun, Josef chu a kâwla ngîr po pohai hmaa chun ân sûm zo ta naw a, “Mi po po ka kuoma inthawk hin infe suoktir vawng ro,” tiin a khêk a.

INṬANNA 45:2

Chuongchun, Josef a unauhai kuoma ân hriettir sûng po a kâwlah tukhawm an ngîr nawh. Chun, a ṭap ta rak rak a, chuongchun, Aigupta mihai chun an hriet a. Pharao sûnghai khawmin an hriet bawk a.

INPÂKNA HLABU 51:12

I mi sandam hlimna chu mi pe nâwk la, Tiawina thlarauin mi chel zing la;

THUVARHAI 1:23

Ka kâwknaa hin nghakîr unla, Ngai ta u, in kuoma chun ka thlarau chu hung buok ka ta, Ka thuhai chu in kuomah inhriettir ka ti cheu.

THUVARHAI 4:3

Ka pa ta dingin naupasal ka na, Ka nu mithmua chun duotum le dittak ka ni ngâwk a.

ISAI 32:15

Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

JEREMIA 31:19

Matheilovin, chu hnunga chun kân let a, kei khawm ka lamlêt ta a; chun, chu hnunga chun inchûktirin ka uma, ka êlpui chu ka ben a; kân zak a, anih, ka tleirâwl lai hmingsietna chu ka phur leiin, ka hamhai nghe nghe a.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

JEREMIA 50:4

Chuong niahai chun, chuong hunahai chun, Lalpa chun a tih: Israel thlahai chu hung an ta, anni le Juda mihai chu a ruolin hung an ta; an ṭap malamin hung an ta, Lalpa an Pathien chu zawng an tih.

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

EZEKIEL 20:43

chutaka chun, in lampuihai le in thilthawhai po po, in lo insukpawrchenahai chu hre zing in tih; chun, in suolnahai po po, in lo suksuol tahaia chun in mithmu ngeia chun nangni le nangni intheida tâng in tih.

EZEKIEL 37:14

Nangnia chun ka thlarau chu sieng ka ta, hring in tih; chun, nangni ram ngeia chun sieng ka ti cheu a; kei Lalpa ngeiin ka lo hril ta a, thaw khawm ka thaw a nih, ti hre tâng in tih, Lalpa chun a tih, tiin,” a ta.

EZEKIEL 39:29

annia inthawk chun ka hmai chu thuppêk ta bawk naw ning a; Israel sûngkaw chunga chun ka thlarau ka buok ta si a, Lalpa Pathien chun a tih,” tiin.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

NAMBAR 21:9

Chuongchun, Mosiein dâr rûl a siem a, banah a khai a, rûl chuk taphawtin dâr rûl chu an enin an dam pei a.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 26:75

Chun, Peter chun, Isûn “âr a khuong hmain nangin vawi thum mîn phat i tih,” a ti kha a hung hriet nâwk ta a. Chun, a suok a, a ṭap ta ngâwi ngâwi a.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 11:15

Chun, thu ka hang hril hlimin Thlarau Inthieng ei chunga a hung tlung tir lai ang khan an chungah a hung tlung ta a.

THILTHAWHAI 2:17

Pathienin, ‘Ni nuhnungahai chun hieng hi nîng a ta, Mi po po chungah ka Thlarau buok ka ta; Chuongchun, in naupahai, in naunuhaiin ka thu hril an tih; In tlangvâlhaiin inlârnahai hmûng an ta, In tarhaiin mangah mang an ta;

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

THILTHAWHAI 2:37

Chun, chuong thu chu an hrietin an lungrilah sun ang an lo ni ta a, Peter le tirko danghai kuoma chun, “Unauhai, iengtin am thaw tâng kan ta?” an ti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:26

Chuong ang bawkin, Thlarau chun ei hrât nawnahaiah a mi ṭhangpui hlak a; ieng anga ṭawngṭai ding am a ni ti ei hriet si naw a; nisienlakhawm, Thlarau chun inrûm hril ruol lovin a mi ṭawngṭai pêk hlak.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

JUDA 1:20

Nisienlakhawm, dittakhai, nangni chun in awi san inthieng tak chunga chun nangni le nangni inrem sângin,

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

1 SAMUEL 7:2

Chun, Kiriath-jearima bâwm a um sûng chu sâwttak a na, kum sâwmhni zet a nih; chun, Israel sûnghai po po chun Lalpa chu an lunglên nâwk ta a.