ZEKARIA 11:14 - Pathien Lekhabu Inthieng (BSI)

¹⁴ Chun, ka hmawl dang pakhat Pumkhatna chu ka sât bawng nâwk a, Juda le Israel inkâra inunauna chu ka suktan theina dingin.

ZEKARIA 11:14 ပူးပေါင်းရင်းမြစ်များ

ISAI 11:13

Chuongchun, Ephraim hai îtthîkna chu bo tâng a ta, Juda hai sukbuoituhai chu sukbohmangin um tâng an tih; Ephraim hai chun Juda hai chu îtthîk ta naw ni hai a, Juda hai khawma Ephraim hai chu sukbuoi ta naw ni hai.

ISAI 9:21

Manassehaiin Ephraimhai fâng an ta, Ephraimhaiin Manassehai fâng an tih; chun, an pahni chun Judahai do hmunkhat an tih. Chuong ang lâwma a thaw khawm chun a lunginsen chu a bo si naw a, a kut chu a lân let ta rawp a.

EZEKIEL 37:22

chu rama chun Israel tlânghai chunga chun anni chu hnam khatah siem ka tih; chun, lal pakhat an rênga lal nîng a ta; hnam hni ni ta naw ni hai a, lalram pahnia khawm inṭhe bawk ta naw ni hai;

ZEKARIA 11:6

Ram hluotuhai chu ka lunginsiet ta naw ding a ni si a, Lalpa chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,”tiin.

ZEKARIA 11:7

Chuongchun, sathattu berâm ruol chu ka châwm a, berâm ruol chautak el nang chu. Chun, hmawl pahni ka lâk a, pakhat chu Ditsak kân bûk a, a dang chu Pumkhatna kân bûk a; chun, berâm ruol chu ka châwm ta a.

ZEKARIA 11:9

Chun, kei chun, “Châwm ta naw ning cheu, a thi thi chu thi sienla; pei thlâka um um chu pei thlâkin um sienla; a la damhai khawm chun anni le anni sa chu infatuo raw hai seh,” ka ta.

MATTHAI 24:10

Chu phâ chun mi tamtak tlûng an ta, inmantir tuo tâwl an ta; intheida tuo tâwl an tih.

MARKA 3:24

Ram khawm ama le ama ân do chun, chu ram chu ngîr suok thei naw ni.

GALATI 5:15

Nisienlakhawm, in inse a, in infâk tuo si chun, in insukbohmang tuo nawna dingin fîmkhur ro.

JAKOB 3:14

Nisienlakhawm, in lungrilah îtthîkna khatak le mâni hmasielna in nei chun, thudik chu uong khum le kalin khêl hril naw ro.

JAKOB 3:16

îtthîkna le mâni hmasielna umnaa chun buoina le thilsuksuolna tinrêng a um hlak.