ZEKARIA 10:7 - Pathien Lekhabu Inthieng (BSI)

⁷ Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

ZEKARIA 10:7 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 43:34

Chun, Josef chun a kuoma chanvohai chu an kuomah ân hlân sâwngtir pei a. Benjamin chanvo lem chu an chanvo po po nêkin a lêtngain a tam lem a. Chun, uoin dâm an dâwn a, ama rawi chun an hlim ta hle a.

INPÂKNA HLABU 102:28

I siehlawhai nauhai chu um zing an ta, An thlahai chu i hmaah sukdetin um an tih.

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

INPÂKNA HLABU 13:5

Nisienlakhawm, kei chun chu i ngilneina hi ka ring a nih, I mi sandamnaa hin ka lungril chu lâwm a tih.

INPÂKNA HLABU 28:7

Lalpa chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 33:21

Amaa chun ei lungril hi a hlim ding a nih, A hming inthieng ei ring leiin.

INPÂKNA HLABU 90:16

I sinthaw chu i siehlawhai kuomah inlang sienla, I ropuina chu an nauhai kuomah inlang raw se.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 38:19

Mi hringin, mi hringin, anni ngei chun vawisûna ka thaw ang hin inpâk an ti che; Pa chun a nauhai kuomah i thutak chu inhriettir a tih.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

JOEL 2:23

Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

HABAKKUK 3:18

Lalpaa chun hlim ka ta, Ka sandamna Pathiena chun lâwm ka tih.

ZEPHANIA 3:14

Aw Zion naunuhai, hla sak ro; aw Israel, khêk suok rawh; Aw Jerusalem naunu, lungril po poin hlimin lâwm rawh.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ZEKARIA 9:15

Sipaihai Lalpa chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

LUKA 1:47

Ka thlarau khawm a mi sandamtu Pathien chungah a lâwm bêk bêk a,

JOHAN 16:22

Chun, tuhin nangni in lungngai, nisienlakhawm, hmu nâwk ka ti cheu a, in lungril lâwm a tih, in lâwm chu tukhawmin lâkpêk naw ni hai cheu.

THILTHAWHAI 13:33

khânga Pathienin Isu a keitho khan, eini an nauhai lei hin chuong chu a hlen a nih, Inpâkna Hla pahninaah, ‘Ka naupa i ni ie, vawisûn hin ka nei che a nih,’ ti ziek ang bawk khan.

THILTHAWHAI 2:26

Chuleiin, ka lungril a hlim a, Ka lei khawm a lâwm a; Chuleiin, ka taksa khawm beiseitakin um bawk a tih;

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

1 SAMUEL 2:1

Hanna chu a ṭawngṭai a, “ Lalpa chungah ka lungril a lâwm êm êm a; Ka ki chu Lalpaa chawimawiin a um a; Ka hmêlmahai chungah ka bau suklienin a um a, I sandamnaa chun ka lâwm êm êm leiin.