ZEKARIA 10:5 - Pathien Lekhabu Inthieng (BSI)

⁵ Chun, indona chun an hmêlmahai chu kawtthlêra chirhak chîl anga chîlin mi thilthawtheitakhai hung nîng an ta, Lalpa chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

ZEKARIA 10:5 ပူးပေါင်းရင်းမြစ်များ

2 SAMUEL 22:43

Chu phingle chun hnuoia pilvut ang elin ka vuok phit a, Khawlai chirhak ang elin ka sukhmât a, ka sukdar ta a.

2 SAMUEL 22:8

Chu phingle chun hnuoi hi ân hnîng a, ân thin ta a, A lunginsen leiin vân innghatna chenin ân hnîngin ân thin ta a.

2 LALHAI 9:33

Chun, ama chun, “Hung the thla ro,” a ta. Chuongchun, an the thlâk a, a thi chun bang le sakawrhai chu a khieng nuol el a; chun, ama chun a lo chîl a.

INPÂKNA HLABU 18:42

Chu phingleh, pilvut thli ilên ang el hin ka vuok nâwi neng a, Tuollaia chirhak ang el hin ka peihâwn ta a.

INPÂKNA HLABU 20:7

Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun Lalpa kan Pathien hming chu lam lem kan tih.

INPÂKNA HLABU 33:16

Lal hrim hrim hi sipaihai tam lei ngawta sandama um an um ngai nawh: Mi hrât hi hrât bêk bêk lei ngawta sanhim an ni ngai nawh.

INPÂKNA HLABU 44:5

Nangma leiin a mi dotuhai chu sikthlûng kan ta, I hming leiin a mi thawtuhai chu chîl hrep kan tih.

INPÂKNA HLABU 45:3

Aw mi hrât, i kâwlhnâm i kâwngah vawng rawh. I ropuina le i mawina leh.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 25:10

Hi tlânga hin Lalpa kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni si a.

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 41:12

Nangni sêltuhai cheu chu zawng in ta, hmu si naw ti niu: nangni dotuhai cheu chu iengkhawm ni lo ang nîng an ta, thil um naw ang el nîng an tih.

ISAI 41:25

Hmârtienga inthawkin mi pakhat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

ISAI 8:9

“Chi tinhai, buoi nuoi nuoi ta unla, kawinawiin in um ding a nih; ram hlataka mi po pohai, na sit unla, inrâlthuom ro; kawinâwiin in um ding a nih; inrâlthuom ro, kawinâwiin in um ding a nih.

EZEKIEL 38:15

Hmârtieng kil khâwra hmunhaia inthawk chun hung i ta, nang le i kuoma mi tamtak leh, anni chu an rêngin sakawr chunga chuong, pâwl ropuitak, sipai pâwl thilthawtheitak nîng an ta;

AMOS 2:15

thalngul hmangtu khawm chu ngîr thei bawk naw ni; ngalhrât mi khawm inhum thei bawk naw ni; sakawr chung chuong mi khawm inhum thei bawk naw nih;

MIKA 5:8

Jakob mi hlâbîkhai chu hnamhai laia le chi tamtakhai laia chun ramhnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

ZEKARIA 12:4

Lalpa chun a tih, “Chu nia chun sakawr tin chu maktinain hrem ka ta, a chunga chuongtu chu invêtnain; chun, Juda insûng chunga chun ka mit meng ka ta, hnam tin sakawr chu mit indelnain hrem ka tih.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ZEKARIA 14:13

Chun, chu ni chun Lalpaa inthawka buoina nasatak el chu anni lai chun um a tih; mi tinin mâni tuolbâwm kut chu chel an ta, a kut chu a tuolbâwm kut chunga chun inlet nîng a tih.

ZEKARIA 14:3

Chun, Lalpa chu fe suok a ta, indona nia a do angin, chuong hnamhai chunga chun do a tih.

ZEKARIA 9:13

Ka thalngul dingin Juda chu ka kuoi a, Ephraim chu a thalah ka siem a; Aw Zion, i naupasalhai chu i naupasalhai chunga ngei chun ka chawktho ding a nih; aw Grik, mi hrâttak kâwlhnâm angin siem ka ti che.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

LUKA 24:19

Ama chun an kuomah, “Ieng thil am ie?” a ta. Anni chun a kuomah, “Nazareth Isu, Pathien le mi po po mithmua, a thu le a thilthaw zâwlnei hminginthang tak chanchin thu;

THILTHAWHAI 18:24

Chun, Juda pakhat a hming Apollo, Alexandria khuoa pieng, thuhril theitak, Ephesia chun a zu fe a; ama chun Pathien Lekha thuhai a hriet nasa bêk bêk a.

THILTHAWHAI 7:22

“Chun, Mosie chu Aigupta mihai varna po po an inchûktir a, a thu le a thilthawah a ropui bêk bêk a.

2 KORINTH 10:4

(keini râldo inthuomna chu tisaah a ni si naw a, kulpui dettakhai ṭhiekna dinga Pathien zâra thil thaw thei tak a ni lem),

DÂN PAHNINA 20:1

“In hmêlmahai do dinga in suoka sakawrhai le tawlailîrhai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu Lalpa in Pathien chu in kuomah a um si a.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

2 TIMOTHE 4:7

Inruolsiekna ṭha chu ka thaw zo ta a, kân tlânsiekna lampui chu ka suo ta a, ringna chu ka vawng zing ta a nih.

JOSUA 10:14

Lalpain chuong anga mihriem râwl a ngai ni ang chu a hmain ni hrim hrim a um ngai naw a, a hnunga khawm a um ngai bawk nawh; Lalpain Israelhai chu a dopui a ni si a.

JOSUA 10:42

chuong lalhai po po le an ramhai chu Lalpa Israelhai Pathien chun Israelhai chu a dopui leiin Josua chun ṭum khata a lâk vawng an nih.

THUPUONGSUO 19:17

Chun, nisaa khin vântirko ngîr ka hmu a; ama chun vânlaizâwla vate vuong po pohai kuoma chun rawl inringtaka khêkin, “Pathien ruoi ropuitak ṭhenaa chun hung inkhâwm ro,

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu ta a, ama chu kei thiemtak, mi huoitak, indo mi, thuhril thiemtak, hmêl ṭhatak a nih; a kuomah Lalpa khawm a um a nih,” a ta.