ZEKARIA 10:3 - Pathien Lekhabu Inthieng (BSI)

³ Berampuhai chunga chun ka lunginsenna chu a chawk a, kêlchalhai chu ka hrem ngei ding a nih; sipaihai Lalpa chun a berâmruol Juda sûngkuohai chu a hung sir ta a, indonaa sakawr ṭhatak angin a siem ngei ding a nih.

ZEKARIA 10:3 ပူးပေါင်းရင်းမြစ်များ

JOB LEKHABU (THE BOOK OF JOB) 39:25

Tawtawrâwt chu ân ri po leh, ‘Aha,’ a ta, Hlataka inthawkin indona chu a rim a hriet a, Sipai hotuhai khêkri le an êngri chu.

FESUOKNA 4:31

Mipui chun an ring ta a: Lalpa chun Israel mihai chu a hung sir ta a, an rimsik tuorna chu a hmu tah ti an hriet chun, an luhai an kûn a, chibai an bûk ta a.

THUVARHAI 21:31

Sakawr chu indo nia ding chun buotsai a ni hlak a, Hnêna ruok chu Lalpa ta a nih.

HLAHAI HLA 1:9

Aw ka hmangai, Pharao sakawr tawlailîra, Sakawr lâ le chun ka hrilkhi che a.

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 24:21

Chun, chu nia chun Lalpa chun chungtienga mi achunghnunghai pâwl lientak chu hrem a tih, hnuoia hnuoi lalhai leh.

JEREMIA 10:21

Berâmpuhai hlak chu an ngawng êm a, Lalpa chu an râwn si naw a; chuleiin, an hlawtling naw a, an berâm ruolhai po po chu an indar zo a.

JEREMIA 11:22

chuleiin, Lalpa chun hieng hin a tih: “Ngai ta, anni chu ka hrem ding a nih; tlangvâlhai chu kâwlhnâmah thîng an ta, an naupasalhai le an naunuhmeihai chu ṭâmin thîng an tih;

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 25:34

Nangni berâmpuhai, inrûm unla, khêk ro; nangni ran ruol hotuhai, vutah nangni le nangni intleng ro; that in nina ding ni chu a hung tlung ta a, nangni chu kei nâwi neng ka ti cheu a, bêl ditumtak angin tlûng in tih.

JEREMIA 50:6

“Ka mihai chu berâm inhmanghai an lo ni ta a, an vêngtuhai chun anni chu tlângahai chun inherhmangtirin, an ṭhuoi hmang a; tlânga inthawkin muola dâm chun an fe a, an riekna hmun chu an theinghil ta a.

EZEKIEL 34:11

“Lalpa Pathien chun hieng hin a ti si a; Ngai ta, keima ngeiin, keiin ka berâmhai chu zawng ka ta, zawng suok bawk ka tih.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

EZEKIEL 34:2

“Mihriem naupa, Israel berâmpuhai chungah thu hril la, thu hril la, berâmpuhai kuom ngeia chun, an kuoma chun hril rawh; Lalpa Pathien chun hieng hin a tih; Israel berâmpuhai mâni le mâni inchâwmtuhai chu an chung a rik de; berâmpuhai chun berâmhai chu an châwm ding a ni naw am a nih?

DANIEL 11:32

Chuonga Thuthlung chunga khawhlotaka thawin, simbudawiin suk hmingsieng a tih; nisienlakhawm, chuong mihai an Pathien hretuhai chu hung hrât an ta, thil nasatak hung thâwng an tih.

ZEPHANIA 1:8

Chun, Lalpa inthawina hun sûng chun mi lienhai le lal naupasalhai le ram dang incheinahaia incheituhai po po chu hrem ka tih.

ZEPHANIA 2:7

Chu vakam hrûl chu Juda sûngkuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; Lalpa an Pathien chun anni chu hung sir a ta, an sal intângna chu a hlîppêk ta ding a ni si a.

ZEKARIA 11:17

Berâmpu, berâm ruol mâksantu chung chu a va rik de! Kâwlhnâm chu a kut chunga chun um a ta. A mit changtieng chunga leh; A bân ṭâwl zo vawng a ta, A mit changtieng khawm chu inthim tlat a tih!

LUKA 1:68

“Lalpa Israel Pathien chu, inpâkin um raw se, A mihai chu a hung kan a, intlanna a siempêk a,

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

RUTH 1:6

Chun, Moab rama inthawkin, Lalpain a mihai chu kanin fâk ding a pêkzie thu a lo hriet leiin, Naomi chu a mohai pahni leh Moab rama inthawk kîr nâwk dingin ân thawk suok a.