ZEKARIA 10:2 - Pathien Lekhabu Inthieng (BSI)

² Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.

ZEKARIA 10:2 ပူးပေါင်းရင်းမြစ်များ

INṬANNA 31:19

Laban chu a berâm hmul vaw dingin a fê dai a; chun, Rakil chun a pa milimhai chu ân rûkpêk a;

1 LALHAI 22:17

Chun, ama chun, “Israelhai po po vêngtu neilo berâm angin tlânga an indar vawng ka hmu a, Lalpain, ‘Hienghai hin hotu an nei ta naw a, mi tin mâni in tieng seng lungmuongtakin fe diel el ta raw hai se,’ a ti a nih,” a ta.

JOB LEKHABU (THE BOOK OF JOB) 13:4

Khêlthuahai khêlhriltuhai chau in ni hi; Damdawi thiem mi ṭhangkaina um si lohai vawng in nih.

JOB LEKHABU (THE BOOK OF JOB) 21:34

Anleh, iengtin am teplo chun mi thlamuon in ta, In dawnnahaia chun khêl ngawt naw chu iengkhawm a um nawh,” tiin.

ISAI 41:29

En ta u, an rêngin, an sinthawhai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei naw a, an hriet thei bawk nawh.

ISAI 46:5

Thuhmuna ngai kan nina dingin tulêm in mi tekhi a, tu tluk âm in mi siem a, tu lêm mi hrilkhîng in ta?

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

JEREMIA 14:13

Chun, kei chun, “Aw Lalpa Pathien, ngai ta, zâwlneihai chun an kuoma chun, ‘Kâwlhnâmhai chu hmu ngai naw ti niu a, ṭâm khawm nei ngai naw ti niu a, amiruokchu, hi hmuna hin thlamuongna diktak chu pêng ka ti cheu,’ an lo tipêk hlak a,” ka ti a;

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 23:17

Lalpa thuhai hmusittuhai kuoma chun, Lalpa chun, ‘Thlamuongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JEREMIA 27:10

in rama inthawka hlataka sawnhmang ding cheuin anni chun khêlthu an hril cheu a ni si a; nangni chu ka hnawt suok cheu a, in bohmangna dingin.

JEREMIA 27:14

In kuoma ‘Babulon lal rawng chu in bâwl ding a ni nawh,’ titu zâwlneihai thu chu ngai naw ro: in kuoma chun thukhêl an hril si a.

JEREMIA 27:9

Nisienlakhawm, nangni chungthu ruoka chun, in zâwlneihai, in khawhri zâwlhai, in manghai, in dawithiemhai, in aisân thiemhai “Babulon lal rawng chu bâwl naw ti niu,” tituhai chu ngai naw ro;

JEREMIA 28:15

Chun, zâwlnei Jeremia chun zâwlnei Hanania kuoma chun, “Hanania, tuhin lo ngai ta, Lalpa chun nang a tir naw che a, nisienlakhawm, hi mipui hi khêlthu chu în ringtir a ni hi.

JEREMIA 29:8

Sipaihai Lalpa Israel Pathien chun hieng hin a tih: Nangni laia in zâwlnei umhai le, in khawhri zâwlhaiin hlêm naw raw se cheu, chun, in manghai in imang khawm chu ring bawk naw unla.

JEREMIA 37:19

I zâwlneihai, ‘Babulon lal chun hi ram amanih, nang amani khawm hung do naw ni,’ tituhai kha khaw lai am an um a?

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 51:23

nangma hmangin berâmpuhai le a ran ruol suknawi vawng ka ta, nangma hmangin lo neitu le a bâwngchal tuokhai khawm suknawi vawng ka tih; chun, nangma hmangin ram awptuhai lal aiawtuhai chu suknawi vawng ka tih.

JEREMIA 6:14

Thlamuongna chu a um naw sa khawma, “Thlamuongna, thlamuongna,” tiin, ka mihai insuknatnahai khawm chu an sukdam met chau a.

JEREMIA 8:11

Chun, thlamuongna ding a um naw sain, “Thlamuongna, thlamuongna,” tiin, ka chipui naunu insuknatna chu an sukdam met chau a.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk che a; I sal nina hung lakîr dingin, i suolna hlak an hmusuok thei si naw a. Nanga ta dingin hlêmna le, teplo thu mei mei chau chu an hmupêk che a.

EZEKIEL 21:21

Babulon lal chu lampui inṭhena lai, lampui pahnihai inchinna taka chun, dawi hmang dingin a ngîr zing si a; hnungtieng hmatieng thalhai chu a hêm vêl a, milimhai chu a râwn a, sathin chu a en bawk a.

EZEKIEL 21:29

an hremna nuhnungtak ding hun, mi rilo tâwpkhâwkhai ringa innghat ding ni tlung mêk zing laiin thilhmulâwk teplo hmupêk chein aisânna khêlhlip an hrilpêk che a nih.

EZEKIEL 34:5

Anni chu berâmpu an um naw leiin an indar a; rama sahai po po ta ding chun bu an na, sukdarin an um ta a.

EZEKIEL 34:8

Lalpa Pathien chun, Ka hring zing angin ka berâmhai chu, berâmpuhai an um naw a, ka berâmpuhai chun ka berâmhai chu an zawng bawk naw a, berâmpuhai chu anni le anni an inchâwm a, ka berâmhai chu an châwm naw leiin, rama ramsahai po po bu le an sasehai chu an lo ni ngei chu a ni ta hi;

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

HABAKKUK 2:18

Milem a kera ker, a siemtuin a iker chun Ieng am ṭangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭangkâina ieng am a um a?

ZEKARIA 11:17

Berâmpu, berâm ruol mâksantu chung chu a va rik de! Kâwlhnâm chu a kut chunga chun um a ta. A mit changtieng chunga leh; A bân ṭâwl zo vawng a ta, A mit changtieng khawm chu inthim tlat a tih!

NAMBAR 27:17

Lalpa mi pungkhâwmhai chu vêngtu nei lo berâm anga an um nawna dingin an hmaa suok le lût a, anni ṭhuoi suoka ṭhuoi lûttu dingin,” tiin.

MATTHAI 9:36

Chuongchun, mipuihai chu a hmuin, vêngtu nei naw berâmhai anga rinum le indara an um leiin, a lunginsiet ta bêk bêk el a.

MARKA 6:34

Chuongchun, ama chu a hung suok chun, mipui nasatak a hmu a, vêngtu nei naw berâmhai ang an ni leiin a lunginsiet bêk bêk a; thu tamtak ân chûktir ta a.

DÂN PAHNINA 13:2

inchikna amanih, thilmak amanih an inentir cheu chu a hung tlung a, in hriet ngai naw, ‘Pathien dang zui ei tiu khai, an rawng bâwl ei tiu,’ in kuoma an ti chun,

RORELTUHAI 18:14

Chun, Lais ram enthlithlai dinga suokhai mi panga chun an dawn a, an unauhai kuomah, “Hieng inhaia hin zakawsîng dâm, milim siem fâwm dâm, milim sung fâwm dâm, a um ti in hriet am? Chuleiin, tuhin ieng am in thaw ding ngaituo ro,” an ti a.