ZEKARIA 10:12 - Pathien Lekhabu Inthieng (BSI)

¹² Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

ZEKARIA 10:12 ပူးပေါင်းရင်းမြစ်များ

INṬANNA 24:40

Nisienlakhawm, ama chun ka kuomah, ‘Lalpa a hmaa ka um hlakna chun a vântirko chu i kuomah tir a ta, i fena dinga chun inhlâwtlingtir a ti che; chuongchun, ka naupa ta dingin ka laibunghai le ka pa sûnghai laia mi nuhmeiah i neipêk ding a nih;

INṬANNA 5:24

Chun, Enok chu Pathien leh an lêng hmunkhat hlak a: chun, a um ta naw a: Pathienin a lâk hmang tah a nih.

ISAI 2:5

Aw Jakob sûnghai, hung unla, Lalpa vara hin lêng ei tiu khai.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

EZEKIEL 30:24

Babulon lal kuthai chu sukhrât ka ta, ka kâwlhnâm chu a kutah sieng ka tih; nisienlakhawm, Pharao bânhai chu suktliek ka ta, ama hmaa chun mi thi khawp raua hliem inrûmin inrûm a tih.

MIKA 4:5

Chi tin mâni pathien hming sengin um an ta, eini khawm Lalpa ei Pathien hmingin kumkhuoin um ei tih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei si a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, Lalpa an Pathien ka ni si a.

ZEKARIA 12:5

Chun, Juda lalhai chun an lungrilin, ‘An Pathien sipaihai Lalpaa chun Jerusalem hluotuhai chu ka hrâtna an nih,’ la tîng an tih.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 4:13

A mi sukhrâttu Krista zâra chun iengkim ka thaw thei a nih.

KOLOSSA 2:6

Chuleiin, Krista Isu, Lalpa chu in pawm ang khan amaa chun um ro.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.