ZEKARIA 1:4 - Pathien Lekhabu Inthieng (BSI)

⁴ Inhmaa zâwlneihaiin an kuoma, ‘Sipaihai Lalpa chun hieng hin a tih: in thilthaw rilohai le, in um dân khawhlonahaia inthawk khan hung kîr ro,’ a tih tia a hril a, ngai si lohai le, keia tieng khawm pawisa si lohai, in thlatuhai ang khan um naw ro, Lalpa chun a tih.

ZEKARIA 1:4 ပူးပေါင်းရင်းမြစ်များ

2 CHANCHIN SUINA 30:6

Chuongchun, dâkpuhai chu lal thupêk ang takin lal le a hotuhaia inthawk chun lekhahai chawiin Juda le Israel ram sûng po poa chun an fe ta a; “Nangni Israel mihai, nangni Assuria lalhai kuta inthawk a suokdawkhai a la um sunhai tieng hi a hung ngha kîr theina dingin, Israel le, Isaak le Abraham Pathien, Lalpa tieng chu hung ngha nâwk ro.

2 CHANCHIN SUINA 30:7

Nangni chu in thlatuhai Pathien Lalpa chunga bawsetu inthlatuhai le in unauhai ang kha chu ni naw unla, chuong lei chun sietnaah anni chu a pêk suok tah a ni kha in hmu a.

2 CHANCHIN SUINA 34:21

“Fe unla, kei le, Juda le Israel rama mâksana la umhai ta ding hin lekhabu hmu suoka um thu ang khan Lalpa mi hung râwnpêk ta u; lekhabua ziek po po, ang taka thaw dinga, ei thlatuhai chun Lalpa thu chu an lo pawm ta naw lei khan, Lalpa lunginsenna ei chunga bunthlâka um hi a nasa a nih,” tiin.

EZRA 9:7

Kan thlatuhai hun laia inthawk tah vawisûn ni chen hin suol namên lovin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um ta a; vawisûn ni ang chen khawm hin hmêla hamhaina le, suksietnaa le sal intângnaa le kâwlhnâm kuoma pêkin an um hi.

NEHEMIA 9:16

Nisienlakhawm, anni le kan pi le puhai chun, chapotakin thil an thaw a, an insukkâwmaw a, i thupêk chu an pawm naw a,

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

NEHEMIA 9:30

Nisienlakhawm, kum tamtak anni chu i daw a, i thlaraua i zâwlneihai hmangin i kâwk hlak a; nisienlakhawm, an na an suksêt a; chuleiin, chu rama mihai kuta chun i pêk ta a.

INPÂKNA HLABU 78:8

Le, an thlatuhai anga, Suon kâwmaw le hel hmang, Suon lungril siem diklo, Pathien kuoma lungril ringum naw puta an um nawna dingin.

ISAI 31:6

“Aw Israel thlahai, nasataka in helsan tieng chu ngha nâwk ta ro.

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 23:22

Nisienlakhawm, ka rorêlnaa lo ngîr ta chu ni hai sienla, ka mihai chu ka thuhai chu inhriettir an ta, an thilthaw suolhaia inthawk le, an lampui suolhaia inthawk chun inkîrtir tâng an tih.

JEREMIA 25:8

Chuleiin, sipaihai Lalpa chun hieng hin a tih: Ka thuhai chu in ngai naw leiin,

JEREMIA 26:5

inhmataka thoa anni hung tira, ka siehlaw zâwlneihai in kuoma ka hung tirhai thuhai in ngai dinghai chu, in ngai ta naw a;

JEREMIA 3:12

Fe la, hieng thuhai hi hmârtieng ramah va khêkpui rawh, ‘Hung kîr rawh, nang Israel hnungtawl, Lalpa chun a tih; lungsenpumin en ta nâwng ka ti che, zângai theitak ka ni si a, Lalpa chun a tih, lunginsenna chu kumkhuoin kawl zing naw ning.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thilthawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienlakhawm, in nâ khawm in sit naw a, ngai khawm in mi ngai naw kha.

JEREMIA 4:1

“Aw Israel, i hung kîr chun, Lalpa Pathien chun a tih: ka kuomah i hung kîr ding a nih; i tirdakumnahai chu ka mithmua inthawka i sie hmang chun nang chu sukchângin um naw ti nih;

JEREMIA 44:16

“Lalpa hminga kan kuoma i thuhril chungthua chun, i thu chu ngai naw ning ungah.

EZEKIEL 14:6

Chuleiin, Israel sûngkuo kuoma chun hril la, ‘Lalpa Pathien chun hieng hin a tih; Hung kîr unla, in milimhaia inthawkin fe hmang ro; chuongchun, in tirdakumnahai po po chu nghatsan ro.

EZEKIEL 20:18

Chun, an thlahai kuomah thlalêra khan, ‘In thlatuhai thuruothai chu hraw naw unla, an rorêlhai chu pawm bawk naw unla, an milimhai chun nangni le nangni insukpawrche bawk naw ro;

EZEKIEL 33:11

An kuoma chun, ‘Ka hring zing angin, Lalpa Pathien chun hieng hin a tih; mi rilo thinaa chun lâwmna ka nei naw a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

EZEKIEL 33:4

tukhawma tawtawrâwt ri chu hrea, vaulâwkna pawisa lo chu, kâwlhnâm chu a hung tlung a, ama chu lâk hmang a ni chun, a thisen chu ama lu chunga ngei chun um a tih.

DANIEL 9:6

i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk naw a.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

AMOS 5:24

Nisienlakhawm, rorêlnahai chu tuihai angin le felna chu vadungpui angin luong raw se.

MIKA 2:6

“Thu hril naw rawh,” tiin an hril hlak a. Hieng mihai kuoma hin thu hril naw ni hai, hrilsietna chu inkieng naw bawk a tih.

ZEKARIA 1:3

Chuleiin, nangin an kuomah, Lalpa chun, hieng hin a tih tiin hril rawh: Sipaihai Lalpa chun, ka kuomah hung kîr ro, a tih; chuongchun, in kuomah hung kîr vêng ka tih, sipaihai Lalpa chun a tih.

ZEKARIA 7:7

Hausakna le Jerusalem le a vêla khawpuihai le Simtieng le ramphaihai chu hluo a ni laia, zâwlnei hmasahai hmanga Lalpain thu a khêkpuihai chu in ngai naw ding am a nih?’ tiin,” a ta.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

1 PETER 1:18

In thlatuhai ipêk sâwng, in um dân ieng ni barlova inthawk chu, thil se thei, tangka le rângkachaka intlan in ni naw a,