ZEKARIA 1:14 - Pathien Lekhabu Inthieng (BSI)

¹⁴ Chuongchun, vântirko a mi betu chun ka kuomah, ‘Hieng ang hin khêk rawh: Sipaihai Lalpa chun hieng hin a tih: Jerusalem le Zion chu nasatakin ka thîk a nih.

ZEKARIA 1:14 ပူးပေါင်းရင်းမြစ်များ

ISAI 37:32

Jerusalema inthawkin a la um sunhai chu suok an ta, Zion tlânga inthawkin a la dam dinghai chu suok bawk an tih; sipaihai Lalpa ṭhahnemngaina chun chuong chu thâwng a tih.

ISAI 38:22

Hezekia khawm chun, “ Lalpa inah hang fe nâwk ka tih ti hrietna ieng inchikna am hung um a ta?” a lo ti tah a nih.

ISAI 40:1

Thlamuon ro, ka mihai hi thlamuon ro, in Pathien chun a tih.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 40:6

Râwl chun, “Khêk rawh,” a ti a. Chun, kei chun, “Ieng thu hrilin am khêk ka ta?” ka ta.

ISAI 42:13

Lalpa chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

ISAI 59:17

Chun, felna chu âwmphawah a hâk a, sandamna lukhum a khum a, chun, inthuomnaa chun phubalâkna silfênhai chu ân bel a, zakawfuola chun ṭhahnemngaina a hâk a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

EZEKIEL 36:5

Lalpa Pathien chun hieng hin a tih: Matheilovin, hnam la um sunhai chunga le, Edom po po chungah ka thîkna meiin thu hril ngei ka ta; anni chun an lungril inhawi ti zâwng ang po poa nei dingin lungrila hmusitna le, fâk zoa um dinga pei suok el dingin ka ram chu an lo ruot ta a.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

JOEL 2:18

Lalpa chun a ram chu a thîk a, a mihai chu a lunginsiet a.

NAHUM 1:2

Lalpa chu thîkthusie Pathien le phuba lâk hmang a nih; Lalpa chun phuba a lâk a, lunginsennain a sip a nih; Lalpa chun ama dotuhai chungah phuba a lâk a, a hmêlmahai ta ding chun lunginsenna ân khâwlkhâwm a nih.

ZEKARIA 1:13

Chun, vântirko kei mi betu chu Lalpa chun thu ṭhatakhai, thu thlamuongumtakhai chun a dawn ta a.

ZEKARIA 1:17

La khêk nâwk la, sipaihai Lalpa chun hieng hin a tih: Ka khawpuihai chu hausakna leiin hung inzar lien a ta; chun, Lalpa chun, Zion chu la thlamuon nâwk a ta, Jerusalem chu la thlang nâwk a tih,’ ” tiin.

ZEKARIA 1:9

Chun, keiin ‘Aw pu, hienghai hi ieng am an ni a?’ ka ta. Vântirko kei mi betu chun ka kuomah, ‘Hieng hi ieng am an ni inentir ka ti che,’ a ta.

ZEKARIA 4:1

Chun, vântirko a mi betu chu a hung nâwk a, mi a in lai sukhar angin a mi hung sukhar ta a.