ZEKARIA 1:12 - Pathien Lekhabu Inthieng (BSI)

¹² Chun, Lalpa vântirko chun a dawn a. ‘Aw sipaihai Lalpa, kum sâwmsari sûng rau an chunga nasataka lunginsenna i nei, Juda khawpuihai le Jerusalem chunga hin ieng chen am zângaina nei lovin i um ding a na?’ a ta.

ZEKARIA 1:12 ပူးပေါင်းရင်းမြစ်များ

2 CHANCHIN SUINA 36:21

chu ram chun a châwlni a hmang hmakhat chu Jeremia baua Lalpa thu kha sukfamkim a ni theina dingin; râusana a um sûng po chu châwlni chu a hmang a na, kum sâwmsari suktling dingin.

INPÂKNA HLABU 102:10

I lungninaw êm êm le i lunginsen leiin, Nangin i mi lâk kâng a, i mi pei ta si a.

INPÂKNA HLABU 102:13

Tho i ta, Zion tlâng chu lunginsiet i tih, Ama chu lunginsiet a hun ta si a anih, hun ruot chu a tlung tah.

INPÂKNA HLABU 69:5

Aw Pathien, nang chun kân vêtzie hi i hriet a, Ka thiemnawnahai khawm hi i kuoma chun thup a ni nawh.

INPÂKNA HLABU 74:10

Aw Pathien, dotu chun ieng chen am a hrilsiet ding che? Hmêlma chun kumkhuoin i hming hi a hrilsiet ding am a nih?

INPÂKNA HLABU 79:5

Aw Lalpa, ieng chen am i lunginsen kumkhuo ding a na? I thîkna chu mei angin a chawk ding am a nih?

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 15:17

Hlimna siema inkhâwmhai laia chun ka ṭhung naw a, ka hlim bawk naw a; i kut lei chun makhât chauin ka ṭhung a; lunginzîngna nasatak chun i mi suksip ta si a.

JEREMIA 29:10

Lalpa chun hieng hin a ti si a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JEREMIA 30:18

Lalpa chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

DANIEL 12:6

Chun, pakhat chun vadung tuihai chunga um, puon zai inhmia inthuompa kuoma chun, “Hieng thilmakhai tâwpna chu iengtik am nîng a ta?” a ta.

DANIEL 9:2

a rorêl kum khat kuma chun kei Daniel hin kum sâwmsaria Jerusalem khuo suksieta a um ding hun tlungkimna ding, zâwlnei Jeremia kuoma Lalpa thu hung tlung, kumhai nizât chu lekhabuhaia inthawkin ka lo hriet ta a.

HABAKKUK 1:2

Aw Lalpa, ka ko chein, iengchen am, Ngai lova i um ding chu? “Inpâwngnêkna” tiin ka ko che a. I sandam naw el ding chu?

ZEKARIA 1:8

“Zâna hin thil ka hmu a, mi pakhat sakawr sen chunga chuong hi ka hmu a, ama chu hmun inruom inhmui thing lai hin a ngîr zing a; chun, a hnunga chun sakawr sen dâm, a buong dâm, a vâr dâm hi an um a.

ZEKARIA 7:5

“Hi rama mi po pohai le thiempuhai kuoma chun hieng ang hin thu hril rawh, ‘Hi kum sâwmsari sûnga thla sarina le thla nganaa bu in ngheia in insuklungngai hin, keia kuoma, keima kuom ngeia bu nghei am in ni ngût le?

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl lova hnuoia umhai chunga kan thisen insuona phuba chu la lova i um ding?” tiin an khêk a.