TITA 3:9 - Pathien Lekhabu Inthieng (BSI)

⁹ Nisienlakhawm, indawnna invêt dâm, thlatuhai thu suina dâm, insêlna dâm, Dân thua insuolna dâm chu nghatsan pei rawh; chuong chu thil ṭangkai naw, iengkhawm ni lo a ni si a.

TITA 3:9 ပူးပေါင်းရင်းမြစ်များ

JOB LEKHABU (THE BOOK OF JOB) 15:3

Hohlimna hmangtlâk lo mei mei le chun amani, Annawleh, ṭawng, thil ṭha thawna thei si lohai le chun a hril ding am a nih?

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

1 TIMOTHE 4:7

Amiruokchu, Pathien inza nâwna le pitarhai tienami thu mei mei chu dit naw rawh. Chun, Pathien ngaisak dingin insawizawi rawh.

2 TIMOTHE 2:14

Chuong thu chu inhriet thartir zing la, thu mei meiah an insêl nawna dingin Lalpa mithmuah ṭhahnemngaitakin inhriettir rawh, chu chu iengkhawm a ṭhahnem naw a, a ngaituhai ta dingin bohmangna a ni lem hlak.

2 TIMOTHE 2:16

Amiruokchu, Pathien inza nawna tieng thu hril mei mei chu nghatsan hlak rawh; chuong ang mi chu Pathien ngâisak nawna tiengah nasa nâwk zuol an ta,

2 TIMOTHE 2:23

Amiruokchu, indona a siem hlak ti hrein, insêlna invêt le, var nawahai chun ṭhang nuom naw.

TITA 1:14

Judahai tienami thu le, thutak nghatsantuhai thupêkhai chu an ngaisak nawna dingin.

JAKOB 4:1

Nangni laia indona le insêlna hai hi khâwlaia inthawka hung suok am an na? In taksa pêngahai indona siem hlaktu, in nuom zâwnga inthawkhai chun hung suok an ni naw am a nih?