TITA 3:2 - Pathien Lekhabu Inthieng (BSI)

² tûkhawm hrilsiet naw ding dâm, kâwmaw insuo naw ding dâm, mi po po kuomah thuhnuoirawlna tinrêng suklanga nuninnêm ding dâmin anni inhriet suotir nâwk rawh.

TITA 3:2 ပူးပေါင်းရင်းမြစ်များ

2 SAMUEL 22:36

Nangin i sandamna phaw chu i mi pêk bawk a; I înngaitlâwmna chun i mi siem lien tah.

INPÂKNA HLABU 140:11

Thu ṭha naw hriltu chu hnuoia hin sukdetin um naw ni a, Mi nunrâwng sukse dingin thil ṭha nawin tlâkbuok a tih.

THUVARHAI 19:19

Mi lunginsen êm êm mi chun hremna chu tuor a ta, Ama chu i sansuok chun, i sansuok nâwk pei a ṭûl ding a ni si a.

THUVARHAI 25:24

Nuhmei hrângsie le in liena um nêk chun, Inchung sîp kilkhâwra chêng chu a ṭha lem.

THUVARHAI 6:19

Hrietpuitu indiklo khêlthu sâksuok hlaktu, Unauhai laia indarna tu hlaktu le chun.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

THILTHAWHAI 23:5

Chun, Paulain, “Unauhai, thiempu Laltak a ni ti ka hriet nawa a nih, ‘I chipuihai hotu chungah thu ṭhanaw hril naw’ ti khawm ziek a ni si a,” a ta.

1 KORINTH 6:10

inruhmanghai amanih, mi duâmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

1 KORINTH 9:19

Tû suok khawm ni naw lang khawm mi tam lem ka lâk lût theina dingin, mi po po suokah kân siem tah.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 KORINTH 12:20

Ka hung phaa ieng amani tiin ka dit angin hung hmu naw rawi ka ti cheu a, kei khawm in dit angin mi hmu naw rawi in tih, ti le, ieng amani tiin, inhalnahai, inthîknahai, lungsennahai, inkhingnahai, inrêlnahai, inberua thu lâknahai, inngaihlut taluotnahai, buoinahai hung um rawi a tih ti le;

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

GALATI 6:1

Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawltakin tungding nâwk ro.

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

EPHESI 4:2

inngaitlâwmna le thuhnuoirawlna po po neia, hmangainaa indâwtuo puma dâwtheina neia,

EPHESI 4:31

Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

PHILIPPI 4:5

Lalpa chu a hnai a, ienga khawm lunginzing naw ro.

1 THESSALONIKA 2:7

Krista tirkohai kan nina leiin inkhâwkpuium kan lo ni el thei de khawmin. Nu nau pawmin ama nauhai a duot angin, nangni laiah zaidamtakin kan um lem kha.

1 TIMOTHE 3:11

Chuong ang bawkin nuhmeihai khawm mi inzâum an ni ding a nih; hêktuhai ni lovin, insûm thei le iengkima ringum an ni ding a nih.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

JAKOB 4:11

Unauhai, inhrilse tuo naw ro. Tûkhawmin a unau a hrilsietin amanih, a unau a sawisêlin amanih, Dân a hrilsietin Dân a sawisêl a nih; nisienlakhawm, Dân i sawisêl chun Dân zâwmtu i ni naw a, rorêltu i ni lem.

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,

1 PETER 3:10

“Hringna hmangai nuom le, Ni ṭhahai hmu nuom chun, Suola inthawkin a lei vêng ṭha sienla, A hmûr khawm zâwrna thu hril lo dingin, Vêng ṭha raw se.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 PETER 4:4

Chuonga chun anni inhawitir taluo anga in um ve ta naw hi mak an ta, an hrilsiet hlak cheu a nih.

2 PETER 2:10

châkna inthieng naw kawnga tisa anga um le, rorêlpêkna hmusittuhai lem lem chu rorêl nia dingin hrem puma khêk dân a hriet nâwk zuol a nih. Invêthuoi le kâwmaw an na, ropuinahai an hrilsiet khawmin an inthin ngai nawh.

JUDA 1:10

Chuong mihai ruok chun thil an hriet naw taphawt an hrilsiet hlak a, chun, ngaituona neinaw sahai anga piengpui hrietna an neihai chun an insuksiet hlak.

JUDA 1:8

Chuong mihai khawm chun, chuong ang bawkin zêla an umnaa an thil hriethai leiin taksa an sukpawrche a, rorêlpêkna chu an hmusit a, ropuinahai an hrilsiet hlak.