TITA 2:8 - Pathien Lekhabu Inthieng (BSI)

⁸ i thu hril indikzie dâm sawisêl ruol lo chu ân lang a, khing tienga ṭhanghai laia miin ei chunga thil ṭha naw hrim hril ding an hriet naw leia an inzakna dingin.

TITA 2:8 ပူးပေါင်းရင်းမြစ်များ

NEHEMIA 5:9

“In thil thaw hi a ṭha naw tawp el a nih: ei hmêlma, hnam danghai mi hrilsietna lei hin ei Pathien chu ṭia in um a ṭûl a ni naw am a nih?

ISAI 66:5

A thua inthin hlakhai, Lalpa thu hi hre ro, “In unau, nangni theidatu le ka hming leia nangni hnawt suoktuhai cheu chun, ‘In lâwmna kan hmu theina dingin Lalpa chu sukropuiin um raw se,’ an ti a, nisienlakhawm, inzak lem tâng an tih.

MARKA 12:17

Chuongchun, Isûn an kuomah, “Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta. Chuongchun, mak an ti bêk bêk a.

MARKA 12:28

Chun, Dân inchûktirtuhai laia mi pakhat a hung a, an insêl chu a lo ngai zing a, Isûn annirawi chu ṭhatakin a dawn ti a hriet a, a kuomah, “Thupêk po po lai ieng him a ropui tak a?” tîn ân dawn a.

MARKA 12:32

Chun, Dân inchûktirtu chun a kuomah, “A ni luo ie, inchûktirtu, Ama chu pakhat chau a na, ama naw chu tukhawm dang an um nawh,

MARKA 12:34

Chun, vartakin a dawn ti Isûn a hrietin a kuomah, “Pathien ram i hlat naw hi” a ta. Chu hnunga chun tukhawmin thu hrim hrim an indawn ngam naw a.

LUKA 13:17

Chuong thuhai chu a hril laiin a hmêlmahai po po chu an inzak ta a; mipui ruok chu a thil ropui thaw po po leiin an lâwm vawng a.

2 THESSALONIKA 3:14

Chun, tûkhawmin hi lekhathawna kan thu hi a zâwm naw chun, ama chu inchik unla, pâwl dêr naw ro, ân zak theina dingin.

1 TIMOTHE 5:14

Chuongchun, hmeithai la nunghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

1 TIMOTHE 6:3

Mi tûkhawmin inchûktirna dang ân chûktir a, thutak (Ei Lalpa Isu Krista thu) le, Pathien ngaisakna inchûktirna tieng a awi naw chun,

TITA 3:14

Ei mipuihai chu an ni tin mamawhai hmu theina dingin thilṭha thaw pei dingin inchûktir la, râ insuo thei lova an um nawna dingin.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 2:15

Hi hi Pathien dit zawng a ni si, mi invêthai thu hril var naw chu thil ṭha thawa in sêldawng hi;

1 PETER 3:16

Nisienlakhawm, thuhnuoirawltak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.