TITA 2:10 - Pathien Lekhabu Inthieng (BSI)

¹⁰ kutkem hmang lo ding le, ringumna indik le ṭha po po suklang lemna dinga, Pathien ei Sandamtu inchûktirna thu chu iengkima an chawimawi theina dingin infui rawh.

TITA 2:10 ပူးပေါင်းရင်းမြစ်များ

INPÂKNA HLABU 101:6

Hi rama mi ringumhai chunga hin ka mit fûng a ta, ka kuoma an um theina dingin; Kawng ṭha famkim hrawtu chun, ama chun ka rawng bâwl a tih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

MATTHAI 5:16

Chuong ang bawkin in var chu mi mithmuah var raw se; chuongchun, in thilthaw ṭhathai hmûng an ta, in Pa vâna mi chawimawi thei an tih.

LUKA 1:47

Ka thlarau khawm a mi sandamtu Pathien chungah a lâwm bêk bêk a,

LUKA 1:80

Chun, nautê chu a hung lien deu deu a, a thlarau tieng a hung hrât ta deu deu a, Israelhai kuoma a hung insuklang hmakhat chu thlalêrah a um zing a.

LUKA 16:10

Tukhawm tlâwmte chunga ringum chu tamtak chunga khawm ring a um hlak. Tukhawm, tlâwmte chunga ringum naw chu tamtak chunga khawm ring a um nawh.

JOHAN 12:6

(Pasiehai a ngaisak leia chu thu chu hril a ni nawh; inru a na, tangka ip a kawl a, a sûnga um chu a lâk hlak lei a ni lem a).

1 KORINTH 4:2

Hitaka hin enkawltu chu mi ringum ni a ngai bawk a nih.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

1 TIMOTHE 1:1

Paula, Pathien a mi Sandamtu le Krista Isu ei Beiseina ruot anga Krista Isu Tirko chun;

1 TIMOTHE 5:17

Kohran upa ro rêl ṭhahai chu a lêt hnia chawimawi tlâka ngai ni raw hai se; thu hril le inchûktirna kawnga sininrimhai chu chawimawi tlâka ngai nâwk zuol ni raw hai se.

1 TIMOTHE 6:1

Pathien hming le a închûktirna thu hrilsieta a um nâwna dingin, suok rîngkawl bât taphawthai chun anni puhai iengkimah chawimawi tlâkah ngai raw hai se.

1 TIMOTHE 6:3

Mi tûkhawmin inchûktirna dang ân chûktir a, thutak (Ei Lalpa Isu Krista thu) le, Pathien ngaisakna inchûktirna tieng a awi naw chun,

TITA 1:3

nisienlakhawm, ama hun takahai chun a thu chu thuinchaa chun a suklang ta a, chu thuincha chu Pathien ei Sandamtu thupêk ang peia inkawltir ka nih.

TITA 3:4

Nisienlakhawm, Pathien ei Sandamtu ngilneizie le, mihriem chunga a hmangaizie chu a hung inlang lai khan,

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 3:16

Nisienlakhawm, thuhnuoirawltak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

2 JOHAN 1:9

Tûkhawm Krista inchûktirna thua um zing lova, fe khêl chun Pathien a nei nawh. Chu inchûktirna thua um zing ruok chun, ama ngei chun Pa le Naupa a nei kawp a nih.

1 SAMUEL 22:14

Chuongchun, Ahimelek chun lal chu a dawn a, “Lal mâkpa, i mi rawntak hlak, in sûngkuo laia mi inzaum David ang hrim hrima mi ringum hi i siehlaw po pohai lai hin tu am a um a?

1 SAMUEL 26:23

Chun, Lalpa chun mi tin an fel man le an ringumna man a pêk ding a na, vawisûn hin Lalpa chun nang hi ka kutah a pêk che deh a chu Lalpa hrieknâl chungah ka kut kân let nuom naw a nih.