TITA 1:7 - Pathien Lekhabu Inthieng (BSI)

⁷ Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

TITA 1:7 ပူးပေါင်းရင်းမြစ်များ

INṬANNA 49:6

Aw ka thlarau, nang chu an inrâwnnaa chun inrawl ve naw rawh: An lunginsenin mi an that a, An kâwmawnain bâwngchal tha an sat a.

THUVARHAI 14:17

Lunginsen awltak chun invêttakin thaw rawp a ta, Chun, mi remruotna khawhlo neitu chu theida ni bawk a tih.

THUVARHAI 15:18

Mi nunsie chun inhalna a chawktho a, Mi lunginsen intak ruok chun inhalna a sukre.

THUVARHAI 16:32

Mi lunginsen intaktak chu mi thilthawtheitak nêkin a ṭha lem a, A lungril thunun theitu chu khawpui latu nêkin a ṭha lem.

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni si a.

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

EZEKIEL 44:21

Huon sûng tuollai sûngril lema an lût laiin thiempu tukhawma uoin a dâwn ding a ni nawh.

LEVI DÂN 10:9

“Nang amanih, i naupasalhai amani khawmin, intuokna puon in sûnga in fe laiin uoin le zu hrim hrim dâwn naw ro, chuong naw chun thîng in tih; hi hi in thlahai chena kumkhaw dân ding nîng a tih.

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

LUKA 12:42

Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.

PHILIPPI 1:1

Paula le Timothe, Krista Isu suokhai chun: Krista Isua mi inthieng Philippia um po pohai kuomah, kohran hotuhai le rawngbâwltuhai kuoma leh:

TITA 1:5

Hi lei hin Kret thlierkâra khan ka mâksan che a nih: thil sukfel bâkhai chu i sukfel pei theina ding le, thu ka pêk che ang khan khaw tinah upahai i ruotna dingin;

TITA 2:3

Pitarhai khawm chu an um dân hrima Pathien inza mihai, hêktuhai le uoin he mihai ni lo a, thil ṭha tieng inchûktirtuhai an hung ni a,

1 PETER 4:10

mi tinin, Pathien lunginsietna tinrêng enkawltu ṭha angin, Pathien thilpêk an dawnghai taphawt chu hmangin rawng inbâwl tuo seng ro.

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni lovin, Pathien thu anga inhâwk pum lemin, hlêpna tirdakum dit lei ni lovin, lungrila inhâwktak lemin,

2 PETER 2:10

châkna inthieng naw kawnga tisa anga um le, rorêlpêkna hmusittuhai lem lem chu rorêl nia dingin hrem puma khêk dân a hriet nâwk zuol a nih. Invêthuoi le kâwmaw an na, ropuinahai an hrilsiet khawmin an inthin ngai nawh.