TITA 1:15 - Pathien Lekhabu Inthieng (BSI)

¹⁵ Mi inthienghai ta ding chun iengkim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.

TITA 1:15 ပူးပေါင်းရင်းမြစ်များ

THUVARHAI 21:4

Meng insâng le lungril chapo, Mi khawhlo khâwnvar ngei khawm chu suol a nih.

THUVARHAI 30:12

Thla pakhat anni mithmua inthieng chu an um a, Anni chu an tirdakumnaa inthawka lân sâwpfai lo an nih.

HAGGAI 2:13

Chun, Haggai chun, “Mi sa thi ruong leia inthieng naw chun hieng thil a iengkhawm hi tâwk sienla, thieng naw a ni ding am a ni”? a ta. Thiempuhai chun, “Thieng naw a ni ngei ding a nih,” tiin an dawn a.

MATTHAI 15:18

Baua suokhai ruok chu lungrila hung suok a na; chuong ngei chun mihriem a sukthieng naw hlak a nih.

THILTHAWHAI 10:15

Chun, rawl chun vawihninaah, “Pathienin a sukthieng ta chu nangin thiengnaw ti naw rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:14

Ama le ama ngawt chun ân thieng naw iengkhawm a um nawh ti Lalpa Isua chun ka hriet hle a nih, thil inthieng lova ngaitu ta ding chun, ama ta ding chun ân thieng naw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:20

I thil fâk leiin Pathien sinthaw sukse naw. Thil po po chu ân thieng ngei, nisienlakhawm, a thil fâkin mi a sukthlûk chun, a fatu ta dingin suol a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:23

Amiruokchu, ringhlatuin a fâk chun, ringnain a fâk naw leiin thiemnaw a chang a nih; iengkhawm ringna boa thaw chu suol a ni si a.

1 KORINTH 10:23

Thil iengkim thaw a thieng a; nisienlakhawm, thil iengkim thaw a ṭha kher nawh. Thil iengkim thaw a thieng a; nisienlakhawm, thil iengkim thawin a mi siem ṭha kher nawh.

1 KORINTH 10:25

Sa dâwra an zawr taphawt chu sie le ṭha hrietna leia iengkhawm indawn lovin fa el ro;

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

1 KORINTH 8:7

Amiruokchu, chu hrietna chu mi po po kuomah a um nawh, chuongchun, mi ṭhenkhatin tu chen hin milim be ṭhang an ni leiin, milim kuoma inthâwina thil angtaka ngaiin an fâk hlak; chuongchun, an sie le ṭha hrietna chu a hrât naw leiin a hung inthiengnaw hlak.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!