TITA 1:11 - Pathien Lekhabu Inthieng (BSI)

¹¹ Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

TITA 1:11 ပူးပေါင်းရင်းမြစ်များ

INPÂKNA HLABU 107:42

Mi indiktakhai chun chu chu hmûng an ta, lâwm an tih, Rîtlona po po chun a bau hip a tih,

INPÂKNA HLABU 63:11

Lal ruok chu Pathienah hlim a ta, Ama sâla inkhâm taphawt chun ama chu suong an tih; Khêl hril hmanghai bau chu hipin a um ding a ni si a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet ta a.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu Lalpain hieng ang hin a tih:

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

LUKA 20:40

Thu dang an indawn ngam ta si naw a.

JOHAN 10:12

Inhlawfa, berâm vêngtu tak ni lova, berâmhai a ta ni lo chun satene hung a hmu chun berâmhai a tlânsan hlak; chun, satene chun berâmhai a se a, a sukdar hlak;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

2 KORINTH 11:10

Krista thutak keimaa a um ang hin Akaia ram tienga hi ka suongna hi tûkhawma mi sukbo pêk naw ni hai.

1 TIMOTHE 5:13

Chu naw khawm chu, in tinah an lêng lâwr a, thabo khawm an chîng hlak a, thabo chau khawm ni lovin, thu hril naw ding ding hrilin, bau tam le mihai thil thaw dempêk an hmang bawk a nih.

1 TIMOTHE 5:4

Nisienlakhawm, hmeithai tûkhawmin nauhai amanih, tuhai amanih nei sienla, chuonghai chun anni insûng tienga Pathien ngaisaka um dân le, anni keitleituhai chunga ṭhatzie inchûk zet raw hai se; chu chu Pathien lâwm zâwng a ni si a.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

2 TIMOTHE 2:18

Chuong mihai chun, “Thonâwkna chu tu khawm hin a ni dai tah,” tiin, thutak kawng chu an fe kâwisan a, mi ṭhenkhathai ringna an sukbo hlak.

2 TIMOTHE 3:6

Chuong ang laia mihai chu inahai lûta, suol rikphur nuhmei invêt deuhai sala man hlaktuhai kha an ni si a;

TITA 1:7

Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

TITA 1:9

Inchûktirna indik tak kawnga chun mi ân fui theina ding le, sêltuhai chu thiemnaw ân changtir theina dingin inchûktirna ang pei thu ringum chu pawm tlat mi a ni bawk ding a nih.

TITA 3:10

Ringdân tum nei mi chu vawikhat vawihni kâwk hnung chun inthlawppui ta naw rawh;