THUVARHAI 8:34 - Pathien Lekhabu Inthieng (BSI)

³⁴ Ka thu hretu chu mi hamṭha a nih, Ka dâikawtkhâra ni tina nghâktu, Ka kawtkhâr bienga nghâk zingtu chu.

THUVARHAI 8:34 ပူးပေါင်းရင်းမြစ်များ

1 LALHAI 10:8

I mihai, hieng i siehlaw, i bula um rawpa i varna thu ngai zing zing hlakhai hi an va hamṭha de aw!

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

INPÂKNA HLABU 84:10

I biekin inhuon sûng tuollaia ni khat um hi ni sâng khat nêkin a ṭhalem sih a; Rîtlona puon inhaia um nêk chun, Ei Pathien ina kawtkhâr vêngtu ni khawm ka nuom lem a nih.

INPÂKNA HLABU 92:13

Lalpa ina phunhai chu, Ei Pathien biekin inhuonna tuol sûnga chun inno hlut hlut an tih.

FESUOKNA 12:7

Chun, a thisen chu lâng an ta, an fâkna ding in kawtkhâr bieng ve ve le kawtkhâr lu khang pheiah nâl an tih.

THUVARHAI 1:21

Kawtthlêr inrîk mur murna hmun takhaia chun a khêk a, Dâi kawtkhâr lûtnaa dâm chun. Khawpui sûnga chun a thuhai chu a hril a.

THUVARHAI 3:13

Varna hmu suok mi chu a hlim a, Hrietthiemna nei mi chu a hlim a nih.

THUVARHAI 3:18

Ama cheltuhai ta ding chun hringna thing kûng a na, Ama kawl tlat theitu chu a hlim a nih.

MATTHAI 7:24

“Chuongchun, mi tin hieng ka thu hrea zâwm taphawt chu, mi var lungpui chunga in bâwltu leh hrilkhi ding a nih.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

LUKA 10:39

Ama chun zuorpui pakhat a nei a, Mari a na; ama chu Lalpa ke bulah a ṭhung a, a thu a ngai a.

LUKA 11:28

Ama ruok chun, “Anih, nisienlakhawm, Pathien thu hrea zâwmhai hi mi hamṭha an ni lem,” a ta.

THILTHAWHAI 2:42

Chun, tirkohai inchûktirin, inpâwlin, bei khawiin, ṭawngṭaiin ṭhahnemngaitakin an um zing a.