THUVARHAI 8:13 - Pathien Lekhabu Inthieng (BSI)

¹³ Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

THUVARHAI 8:13 ပူးပေါင်းရင်းမြစ်များ

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 101:3

Thil ṭha naw hrim hrim ka mithmua chun sie naw ninga a, Fe pêthai thilthaw chu ka theida a nih; Keimaah kawp naw nih.

INPÂKNA HLABU 119:104

I thununna thuhai leiin hrietthiemna ka nei hlak, Chuleiin, um dân indik naw tinrêng hi ka theida a nih.

INPÂKNA HLABU 119:128

Chuleiin, kawng tinrêng thuah, i thununna thuhai po po chu indikin ka hriet a, Um dân indik naw tinrêng hi ka theida a nih.

INPÂKNA HLABU 138:6

Lalpa chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

INPÂKNA HLABU 97:10

Aw Lalpa hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

FESUOKNA 1:17

Nisienlakhawm, naudawmtuhai chun Pathien an ṭi a, Aigupta lalin anni thu a pêk angin an thaw naw a, nautê pasalhai chu an sanhim lem ta a.

THUVARHAI 10:31

Mi fel bau chun varna a phusuok a, Lei khêlinhlip ruok chu ât bawng nîng a tih.

THUVARHAI 15:9

Mi khawhlo lampui chu Lalpa ta dingin tirdakum a na, Felna hnawttu ruok chu a hmangai hlak.

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

THUVARHAI 16:5

Lungrila chapo taphawt chu Lalpa ta dingin tirdakum a nih, Ama chu hrem naw ni naw nih.

THUVARHAI 16:6

Zângaina le thutak chun khawhlona chu sâwpfai a na, Lalpa ṭina leiin mihaiin suolna an zâmsan.

THUVARHAI 3:7

Nanga mithaia ringawt chun var naw la, Lalpa chu ṭi la, rîtlona chu mâksan rawh.

THUVARHAI 4:24

Ṭawng ki nei hrim chîng naw la, Khêl hril chu bân dai rawh.

THUVARHAI 6:12

Mi hmangna bo, mi khawhlo, Bau chapotakin a lêng a.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

AMOS 6:8

Lalpa, sipaihai Pathien chun, Lalpa Pathien chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

ZEKARIA 8:17

nangni laia mi tukhawma mâni tuolbâwm chungah thil ṭha naw a lungrilah suongtuo hlek naw raw se; inkhâmna indik naw chu ngaina naw unla, hienghai ku hi a nih thil ka theida chu, sipaihai Lalpa chun a tih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang lovin ni raw se. Suol tieng chu theida unla, ṭha tieng chu pawm tlat ro.

1 THESSALONIKA 5:22

Suol anga inlang po poa inthawk chun insiekieng ro.

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; Lalpa chu varna Pathien a ni si a, Ama chun thilthawhai chu a bûk fie hlak.