THUVARHAI 7:7 - Pathien Lekhabu Inthieng (BSI)

⁷ Chuongchun, mi mâwlhai laia chun ka en a, Tleirâwlhai laia chun, Hrietthiemna bo tlangvâl ka hmu a.

THUVARHAI 7:7 ပူးပေါင်းရင်းမြစ်များ

JOB LEKHABU (THE BOOK OF JOB) 24:15

Uiretu mit khawm chun zân thim chu a nghâk a, ‘Mitin mi hmu naw ni,’ tiin: Chuongchun, a hmêl chu a sukdanglam ta a.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiemtir hlak.

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

THUVARHAI 1:22

Ieng chen am nangni mi mâwlhai, mâwlna hi in hmangai ding a na? Hmusittuhai chu an hmusitnaa chun an lâwmin, Invêthai chun ieng chen am hrietna chu in theida ding a na?

THUVARHAI 1:32

Mi mâwl hnungtawlna chun anni chu sukhlum a ta, Invêthai nuomsakbâwlna chun anni chu a suksiet ding a ni si a.

THUVARHAI 1:4

Mi mâwl kuoma varna pe ding le, Tlangvâl kuoma hrietna le ngairuotthiemna pe dingin,

THUVARHAI 10:13

Hrietthiemna neitu hmûrhaia chun varna hmu a na, Hmawl ruok chu mi hrietthiemna boa um ruongzâng ta ding a nih.

THUVARHAI 12:11

A hnuoi inlettu chun bei nei ṭeu a ta, Mi teplohai zuitu ruok chu hrietthiemna bo a nih.

THUVARHAI 14:15

Mi mâwl chun thu tinrêng el hi a ring a, Mi var ruok chun a fena chu a en ngun hlak.

THUVARHAI 14:18

Mi mâwl chun invêtna ro chu a hluo a, Mi varhai ruok chu thiemna inkhumtirin an um.

THUVARHAI 19:2

Lungril hrietthiemna bo khawm chu a ṭha chuong naw a, Chun, a kehai tir inhmâwtu chun a suksuol hlak.

THUVARHAI 19:25

Hmusittu chu vaw la, mi mâwl chun var inchûk a tih, Hrietthiemna nei mi chu kâwk la, hrethiem a tih.

THUVARHAI 22:3

Mi var chun thil suol chu a hmu a, ân bi a, Mi mâwl ruok chu a fe pei a, a tuor pha hlak.

THUVARHAI 24:30

Mi thabo lo kâwla chun ka fe ta a, Mi hrietthiemna bo grêp huon kâwla leh.

THUVARHAI 27:12

Mi var chun thil ṭha naw chu a hmu a, ân bihmang hlak a, Mi mâwl ruok chu a fe pei a, a tuor pha hlak.

THUVARHAI 5:1

Ka naupa, ka varna hi pawisa la, Ka hrietthiemna tieng hin i na sit rawh,

THUVARHAI 6:20

Ka naupa, i pa thupêk hi kawl tlat la, I nu inchûktirna hi nghatsan bawk naw rawh.

THUVARHAI 6:32

Nuhmei le uiretna thil thawtu chu lungril bo a na, Ama lungril ngei sukse dingin thil a thaw a nih.

THUVARHAI 8:5

Aw nang mi mâwl, varna hung hrethiem ta la, Chun, nangni invêthai, hrietthiemna lungril hung nei ro.

THUVARHAI 9:16

“Tukhawm mi mâwl chu, hi tieng hung raw se,” tiin. Hrietthiemna boa um ta ding chun a hril a:

THUVARHAI 9:4

“Tukhawm mi mâwl chu hi tieng hin hung raw se,” tiin. Hrietthiemna boa um ta ding chun, a kuomah a hril a,

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

MATTHAI 15:16

Ama chun, “Tu chen hin nangni khawm hrietna nei lovin in la um rawp maw?