THUVARHAI 6:25 - Pathien Lekhabu Inthieng (BSI)

²⁵ I lungrila chun a mawina chu châk naw la, A mitsîrhai chun nang chu kuoi bawk naw raw se che.

THUVARHAI 6:25 ပူးပေါင်းရင်းမြစ်များ

2 LALHAI 9:30

Chun, Jehu chu Jezreel khuo a va lût chun Jezebel chun a lo hriet a; chuongchun, a mithai a lo nâl a, a sam dâm a lo chei a, tukvera hin a lo dâk a.

JOB LEKHABU (THE BOOK OF JOB) 31:1

“Ka mit leh thuthlung ka siem a, Iengtin am nunghâk chu en tâng ka ta?

HLAHAI HLA 4:9

Ka lungril chu i hne tah, ka farnu, ka mo, I mit sîr vawikhat mi âtna le, I rînga khaidiet pakhat chun ka lungril chu i sukhuoi tah.

ISAI 3:16

Chu naw khawm chu Lalpa chun, “Zion naunuhai chu chapotaka an um a, dâk âwr le mi mel kara an lâwn a, an lâwn chu ieng le angin an lâwn a, an kehai an tet ri sawr sawr leiin;

JEREMIA 4:30

Chun, nang suksieta um, ieng am thâwng i ta? Sen inlârin inthuom la khawm, rângkachak thuomhnawhaiin inchei la khawm, i mithai khawm chu rawnga nâlin suklien la khawm; nang le nang în sukhmêlṭha thlâwn el nîng a tih; i hmangaihai chun an hnâwl che a, i hringna lâk an tum a nih.

EZEKIEL 23:40

Chu nawa chun, hlataka inthawka hung ding mihai ta ding chun mi i tir a, an kuoma chun mitir chu tir a na; chun, ngai ta, an hung ta a; chuong ta ding chun în sâwp a, i mithai i nâl a, incheinahaiin în chei a;

MATTHAI 5:28

Kei ruok chun, tukhawm nuhmei dit ena en taphawt chun, a lungrilah a uire zing a nih ti ka hril cheu hi.

DÂN PAHNINA 5:21

“I vênghai nuhmei chu în hnar ding a ni naw a, i vênghai in amanih, a lo amanih, a suokpa amanih, a suoknu amanih, a bâwngchal amanih, a sabengtung amanih, i vênghai thil a ieng iengkhawm în hnar ding a ni nawh,” tiin.