THUVARHAI 5:3 - Pathien Lekhabu Inthieng (BSI)

³ Hmêlmak nuhmei hmûrhai chu khuoizuin a far a, A bau chu hriek nêkin ân nâl lem si a.

THUVARHAI 5:3 ပူးပေါင်းရင်းမြစ်များ

INPÂKNA HLABU 55:21

A bau chu nênetui kîng angin a tlawr a, A lungril ruok chu indona a ni si a; A thuhai chu hriek nêkin ân nâl a, Nisienlakhawm, kawlhnâm phawisahai a ni si a.

THUVARHAI 2:16

Hmêlmak nuhmeia inthawka sansuok ding chein, A bâuthluma zaihlêmtu che, ram dang mi ngeia inthawk chun;

THUVARHAI 22:14

Hmêlmak nuhmei bau chu khur inthûktak a na, Lalpain a chunga lunginsenna a nei chu chutaka chun tlâng a tih.

THUVARHAI 5:20

Chuongchun, nang ka naupa, iengdingin am hmêlmak nuhmeia chun thafân i ta, Iengdingin am hmêlmak âng chu pawm i ta?

THUVARHAI 6:24

Nuhmei rilova inthawka hum ding chein le, Hmêlmak baua inpâk tehlêmnaa inthawka vêng ding chein.

THUVARHAI 7:21

Amanu thu hril ṭha chun ama chu ân pêktir ta a; A hmûrhai zaihlêmna chun ama chu a tirlui ta a.

THUVARHAI 7:5

Hmêlmak nuhmeia inthawka an kawl theina ding chein, Hmêlmak a thuhaia zaihlêmtu chea inthawk chun.

THUHRILTU 7:26

Chun, nuhmei a lungril chu chânghai le lênhai, a kuthai chu hnâng ang el neitu chu, thina nêka ṭha lem ka hmu suok a; tukhawm Pathien suklâwmtu chu amaa inthawk suok thleng an ta, amiruokchu, mi suol chu amanu chun man a tih.

HLAHAI HLA 4:11

I hmûrhai chu, aw ka mo, khuoizu bâwm angin a far a, I lei hnuoia chun khuoizu le nênetui a um a; I silfênhai rim chu Lebanon rim ang a nih.