THUVARHAI 4:23 - Pathien Lekhabu Inthieng (BSI)

²³ Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um si a.

THUVARHAI 4:23 ပူးပေါင်းရင်းမြစ်များ

2 LALHAI 10:31

Nisienlakhawm, Jehu chun Lalpa, Israelhai Pathien dân chu a lungril po poin a pawm naw a; Jeroboamin Israelhai thil insuk- suoltira a suksuol kha a bân chuong naw a.

THUVARHAI 11:16

Nuhmei zângaithei chun inzâumna a kawl zing a, Pasal kâwlhrâwng chun hausaknahai a kawl hlak.

THUVARHAI 13:3

A bau vêng ṭhatu chun a hringna a kawl ṭha a, A hmûrhai ka lientu ruok chun suksietna tuok a tih.

THUVARHAI 16:17

Mi tluong lamtluongpui chu rîtlonaa inthawka fe hmang hi a na; Mi a lampui vêng ṭhatu chun a lungril chu a vawng ṭha.

THUVARHAI 22:5

Mi dukdaklo lampuia chun hlinghai le chânghai an um a, A lungril vêng ṭhatu chu chuonga inthawka hlataka chun um a tih.

THUVARHAI 23:19

Ngai la, ka naupa, hung var rawh, I lungril chu lampuia chun ṭhuoi rawh.

THUVARHAI 28:26

Mi mâni lungril ngawt ringtu chu invêt a nih, Tukhawm vartaka fetu ruok chu, ama chu sanhim nîng a tih.

THUVARHAI 3:21

Ka naupa, i mithmuhaia inthawk chun anni chu infehmangtir naw la, Ngairuotthiemna le varna hrisêl chu kawl tlat rawh.

THUVARHAI 4:7

Varna chu thil bulpui tak a na, chuleiin, varna nei rawh; Anih, i nei tasahai po poa chun hrietthiemna nei rawh.

THUHRILTU 5:13

Nisa hnuoia thil ṭha naw lungzingthlâktak ka hmu a um a; chu chu, hausaknahai a neituin ama le ama insuknatna ding chaua a kawl hi a nih;

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

MATTHAI 15:18

Baua suokhai ruok chu lungrila hung suok a na; chuong ngei chun mihriem a sukthieng naw hlak a nih.

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak si a.

MARKA 14:38

Thlêmnaa in lût nawna dingin inring zingin ṭawngṭai ro. Thlarau chun chu a pei a, taksa ruok chu a hrât naw a nih,” a ta.

LUKA 6:45

Mi ṭha chun a lungril ro bâwm ṭhaa inthawkin thil ṭhahai a the suok hlak; mi suol chun a lungril ro bâwm siea inthawkin thil ṭha nawhai a the suok hlak; a lungril sip liem chu a bauin a hril suok el hlak a ni si a.

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.