THUVARHAI 31:6 - Pathien Lekhabu Inthieng (BSI)

⁶ Bohmang el dinga inzosa zing kuoma chun zu chu pe la, Lungrila rimsi kuoma chun uoin chu pe rawh.

THUVARHAI 31:6 ပူးပေါင်းရင်းမြစ်များ

2 LALHAI 4:27

Chun, tlânga Pathien mi kuom a hung tlung chun a kephahai chu a chel tlat a. Gehazi chu ama hnawtkieng ding chun a hung hnai a, nisienlakhawm, Pathien mi chun, “Tosan phawt el rawh, a sûngah a lungril a lungngai a nih, Lalpa chun chu chu a thup a, ka kuomah a la hril hri si nawh,” a ta.

JOB LEKHABU (THE BOOK OF JOB) 29:13

A malsâwmna bohmang ṭêp khawm chu ka kuomah a hungin, Hmeithai lungril chu hlima hlasak dingin kân umtir hlak.

JOB LEKHABU (THE BOOK OF JOB) 3:20

Iengdinga mi, rimsitaka um kuoma chun var pêk a ni a, Lungrila rimsi tuor kuoma chun hringna pêk am a ni a?

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

THUVARHAI 31:7

Indâwntir la, a tlâksamna chu theinghil raw se, A pasietna chu hre zing bawk ta naw raw se.

ISAI 38:15

Ieng am hril ka ti aw? ama chun a mi biek a, ama bawk chun a thaw ta a: Ka hringna ninginîp lei khan ka dam sûng kum po poa chun damtêtein fe dîm dîm tâng ka tih.

1 TIMOTHE 5:23

Tui chau dâwn mi ni ta naw la, i phîng lei le i damnaw rawp leiin uoin tlâwmtê hmang hlak rawh.

1 SAMUEL 1:10

Chun, Hanna chu a lungril a lunginzîng êm êm el a, Lalpa kuomah a ṭawngṭai a, lungsetakin a ṭap a.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienlakhawm, David chu a Pathien Lalpaa chun ân sukhrât a.