THUVARHAI 30:9 - Pathien Lekhabu Inthieng (BSI)

⁹ Ka hung tlai hin inphat ka ti che a “Lalpa chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsietnain hmang rawi ka tih.

THUVARHAI 30:9 ပူးပေါင်းရင်းမြစ်များ

INPÂKNA HLABU 125:3

Rîtlona lalhmawl chu mi fel chan chunga chun ân nghat âwm si naw a, Mi felhai chun an kuthaia khawhlona an ban nawna dingin.

FESUOKNA 20:7

Lalpa i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu Lalpa chun suol lovah a ngai naw ding a ni si a.

FESUOKNA 5:2

Pharao chun, “Israelhai infetir dinga a râwl ka ngai ding Lalpa chu tûm a na? Lalpa chu ka hriet ngai naw a, chu nawa khawm, Israelhai chu infetir naw bawk ka tih,” a ti a.

THUVARHAI 29:24

Rûkru inṭâwmpuina neitu chun ama lungril ngei khawm a theida hlak a, Ṭawngsie inphurna ri chu a hriet hlak a chu iengkhawm a sâksuok ngai nawh.

ISAI 59:13

kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

JEREMIA 2:31

Aw nangni suon hai, Lalpa thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israelhai kuoma chun thlalêr amanih, ram inthim sâmup am ka lo nih a ni?

JEREMIA 5:12

Lalpa chu an lo inphatsan a, “Ama a ni nawh; thil ṭha naw chu ei chungah hung tlung chuong naw ni; ṭâm amanih, kâwlhnâm amani khawm hmu chuong nâwm ei ni;

EZEKIEL 23:35

“Chuleiin, Lalpa Pathien chun hieng hin a tih: Kei i mi lo theinghil ta a, i hnungah i mi pei ta a, chuleiin, i hurna le i nawchizawrnahai chu nangin phur rawh,” tiin.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

HOSEA 13:6

An fâk ding dawnga chun an tlai a, An tlai chu an lungrilin an chapo pha a, Chuongchun, an mi theinghil ta a nih.

LEVI DÂN 5:1

“Tukhawm a thil hmua manih, a thil hrieta manih hretu a ni a, inkhâmtirtu râwl a hriet khawma hril nuom lotu chun, a hril nuom nawna suola a rîtlona maw chu phur a tih.

MATTHAI 26:72

Chun, “Chu mihriem chu ka hriet nawh,” tiin inkhâmin ân phat nâwk a.

MATTHAI 26:74

Ama chun, “Chu mihriem chu ka hriet nawh” tîn ṭawngsie inphur rauin ân khâm ta a. Chun âr a khuong nghâl ta a.

DÂN PAHNINA 31:20

An pi le puhai kuoma inkhâma ka tiem, nênetui le khuoizua luong rama chun ka ṭhuoi a, fa le dâwna an um a, an tlaia an hung thâu pha meu chun pathien danghai kuom tieng nghâng an ta, an rawnghai bâwl an ta, mi hmusit an ta, ka thuthlunghai bâwsieng an tih.

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

JOSUA 24:27

Chun, Josua chun mipuihai po po kuoma chun, “Ngai ta u, hi lung hi ei thuhretu ni raw se, Lalpain ei kuoma a thuhrilhai po po chu a hriet ta hi; chuleiin, in thuhretu a ni ding a nih, chuong a ni naw chun, Pathien hi inphatsan el rawi in tih,” a ta.