THUVARHAI 30:5 - Pathien Lekhabu Inthieng (BSI)

⁵ Pathien thu tin chu sukthiengin a um a, Ama ringtuhai ta ding chun ama chu phaw a nih.

THUVARHAI 30:5 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

2 SAMUEL 22:31

Pathien chu a lampui a ṭha famkim a, Lalpa thutiem chu ândikzie sukchieng a ni tah. Ama ringtuhai po po ta dingin ama chu phaw a nih.

INPÂKNA HLABU 119:140

I thu hi ân thieng êm êm a nih, Chuleiin, i siehlaw hin a ngaina a nih.

INPÂKNA HLABU 12:6

Lalpa thuhai hi thu inthiengtak a na, Tangka hnuoi chunga rawtuina meia fie a Vawi sari sukthieng ta hnung ang hi a nih.

INPÂKNA HLABU 144:2

Ka ngilneina le ka kulpui, Ka kulbîng insâng le a mi sandamtu, Ka phaw le ka ringna innghatna; Ka hnuoia ka mihai tukdawl hlaktu chu a nih.

INPÂKNA HLABU 18:2

Lalpa chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 18:30

Pathien chu a lampui chu a ṭhafamkim a, Lalpa thu chu fie a ni ta a, Amaa ringna innghattuhai po po ta ding chun ama chu phaw a nih.

INPÂKNA HLABU 18:31

Lalpa naw chu tu am Pathien a um a? Ei Pathien naw chu tu am lungpui a um a?

INPÂKNA HLABU 19:8

Lalpa thununna thu chu ân dik a, lungril a suklâwm hlak, Lalpa thupêk chu ân thieng a, mithai a sukvar hlak.

INPÂKNA HLABU 3:3

Nisienlakhawm, aw Lalpa, nang chu ka vêlin ka phaw i na, Ka ropuina le ka lu dawm kângtu i nih.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 91:2

Lalpa chungthua chun, “Ama chu ka inhumhimna le ka kulpui, Ka Pathien, ka iring chu a nih,” tîng ka tih.

THUVARHAI 2:7

Mi tluong ta ding chun varna hrisêl chu a siekhâwl a; Lungril ṭhataka fetuhai ta ding chun phaw a nih.

THUVARHAI 29:25

Mihriem ṭîna hin châng a hung siem a, Lalpaa a ringna innghattu ruok chu him a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:12

Chuongchun, Dân chu ân thieng a, thupêk khawm chu ân thieng a, a fel a, a ṭha a nih.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.