THUVARHAI 30:4 - Pathien Lekhabu Inthieng (BSI)

⁴ Tu am vâna chun a hang lâwnin a hung ṭum leh? Tuin am a kuttum sûngah thli chu a siekhâwl hlak a? Tuin am a silfênin tuihai chu a ting hlak a? Tuin am hnuoi kil tâwphai po po chu a tungding a? A hming ieng am a na, a naupa hming khawm ieng am a na, i hriet am?”

THUVARHAI 30:4 ပူးပေါင်းရင်းမြစ်များ

INṬANNA 32:29

Chun, Jakobin ama chu ân dawn a, “Lunginsiettakin i hming mi hril rawh,” a ti a. Ama chun, “Iengleia ka hming indawn am i ni a?” a ti a. Chun, chutaka chun Jakob chu mal a sâwm ta a.

JOB LEKHABU (THE BOOK OF JOB) 11:7

A zawnga zawng ngawtin Pathien thil inthûkhai chu i hmu suok thei ding am a nih? Iengkimthawthei chu a famkimin i hmu suok thei ding am a nih?

JOB LEKHABU (THE BOOK OF JOB) 11:8

Vân ang ela insâng a nih; nangin ieng am thaw thei i ta? Seol nêka inthûk lem a nih; nangin ieng am hre thei i ta?

JOB LEKHABU (THE BOOK OF JOB) 26:8

Tuihai chu a sûm sâtakhai chun a fûn khâwm a, An hnuoia chun sûm chu ân ek si naw a.

INPÂKNA HLABU 135:7

Ama chun sûmhai chu kâwlkila inthawkhai chun ân lâwntir hlak a, Kâwlinlep dâm ruo dingin a siem hlak, A sum ina inthawkhai chun thli a lâk suok hlak.

INPÂKNA HLABU 2:7

Thuruot chu ka hril ding a nih: Lalpa chun ka kuomah, “Nang chu ka naupa i nih; Vawisûn hin ka nei che a nih.

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 24:2

Tuisuoriet chungahai amain ân dinsuo a ni si a Tuilienhai chunga khawm a sukdet bawk a.

INPÂKNA HLABU 68:18

Nang chu chungtieng i hang fe a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, Lalpa Pathien chu an kuoma a um theina dingin.

FESUOKNA 15:10

Nangin i thli chun în mûttir a, tuipui chun anni ân khum ta a: Tui hrâtahai chun sûon tlang angin an tlum hmang ta a.

FESUOKNA 6:3

Abraham kuoma dâm, Isak kuoma dâm, Jakob kuoma dâm Pathien Iengkimthawthei angin kân lâr hlak a, nisienlakhawm, ka hming Lalpa ang hin an kuomah inhriettir ka ni ngai nawh.

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

ISAI 53:8

Nêksâwrna le rorêlna lâk hmangin a um a; a dam ruolpuihai lem chun tuin am mi hring rama inthawka sukbohmanga a um chu ngaituo hrim an ta? Ka mihai bawsietna leiin lungngaina invurkhumin a um a nih.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 3:13

Vânah tukhawm an lâwn ngai nawh, vâna inthawka hung ṭum Mihriem Naupa chau naw hi chu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:6

Ringnaa felna ruok chun, hieng hin a hril, “In lungrilin, ‘Tu am vânah lâwn a ta?’ (chu chu Krista hung ṭhuoi thla ding tina a nih)

DÂN PAHNINA 28:58

“Lalpa in Pathien hming ropuitak le ṭiumtak hi in ṭi theina dinga hi lekhabua chuong thil po po hi fîmkhurtaka in zâwm naw chun.

DÂN PAHNINA 30:12

‘Kan hrieta kan zâwm theina dingin tu am vânah mi hang fepêk a ta, mi hang lapêk ding?’ ti dingin vâna mi a ni naw a,

THUPUONGSUO 19:12

A mithai chu meichawk ang a na, lallukhum tamtak a khum a, achun, hming ziek ama chau naw chun tûkhawmin an ihriet naw a nei a.

RORELTUHAI 13:18

Lalpa vântirko chun a kuomah, “Iengdinga ka hming i min dawn am? Hril mi a ni dêr nawh,” a ti a.