THUVARHAI 30:12 - Pathien Lekhabu Inthieng (BSI)

¹² Thla pakhat anni mithmua inthieng chu an um a, Anni chu an tirdakumnaa inthawka lân sâwpfai lo an nih.

THUVARHAI 30:12 ပူးပေါင်းရင်းမြစ်များ

JOB LEKHABU (THE BOOK OF JOB) 33:9

‘Bawsietna nei lovin kân thieng a nih, Pawitâwklo ka na, keimaa hin rîtlona hrim a um bawk nawh,

INPÂKNA HLABU 36:2

“Ka khawhlona hmu suok naw ni hai a, theida hliek naw ni hai,” tiin. Mâni mithmuah mâni vêk ân pâk fâwm hlak a,

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

INPÂKNA HLABU 51:7

Husopin mi sukfai la, chuongchun, fai ka tih; Mi sâwpfai la, chuongchun, vûr nêkin vâr ka tih.

THUVARHAI 16:2

Mihriem lampuihai po po chu ama mithmuahai chun ân thieng a, Lalpa ruok chun lungrilhai chu ân khi hlak.

THUVARHAI 21:2

Mihriem lampui tin el chu ama mithmua chun ân dik a, Amiruokchu, Lalpa chun lungril chu ân khi hlak a nih.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

ISAI 65:5

“Nanga khât chauin ngîr rawh, mi hung hnai naw, nanga nêk chun kân thieng lem hi,” ti hlaktuhai chu an nih; chuonghai chu ka hnâra meikhu um, sûnnithlâka mei hring zing hlak chu a nih.

JEREMIA 2:35

‘Pawitâwklo ka nih; matheilovin i lunginsenna chu keimaa inthawkin inkieng ngei a tih,’ i ti a. Ngai ta, ‘Ka suksuol nawh’ i ti lei chun i chungah ro ka rêl ding a nih.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

HOSEA 12:9

Nisienlakhawm, kei hi Aigupta rama inthawk ta khan, Lalpa i Pathien chu ka na; Ruoiṭhe hun lai ang khan puon inah lân chêngtir nâwk ka ti che.

ZEKARIA 13:1

“Chu ni chun inthieng nawna le suolnaa dingin, David sûngkuo le Jerusalema chêngtuhai ta dingin tuikhur hawngpêk nîng a tih,”

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet si a; mihriem laia an ichawimawi chu Pathien mithmua chun tirdakumtak a nih.

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

RORELTUHAI 17:13

Chuongchun, Mika chun, “Tu zet hin chu Levi chi ka thiempu dingin ka nei ta si a, Lalpa chun mi suktluongtlung ngei a tih ti ka hriet,” a ti ta a.

RORELTUHAI 17:5

Chun, Mika chun pathienhaiah a nei a, zakawsîng le milimhai a siem a, a naupa pakhat chu a thiempu dingin a suktum ta a.