THUVARHAI 3:7 - Pathien Lekhabu Inthieng (BSI)

⁷ Nanga mithaia ringawt chun var naw la, Lalpa chu ṭi la, rîtlona chu mâksan rawh.

THUVARHAI 3:7 ပူးပေါင်းရင်းမြစ်များ

2 SAMUEL 12:20

Chuongchun, David chu hnuoia inthawk chu a tho a, ân sâwp a, sahriek ân nâl a, a puonhai ân thleng a; chun, Lalpa inah a fe a; Pathien chibai a bûk a; chun, a in tieng chun a fe nâwk a; chun, bu a hei lam a, a hmaa chun an hung sie a, a fâk ta a.

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

FESUOKNA 20:20

Mosie chun mipui kuomah, “Ṭi naw ro. Pathien ṭiumna chu in hmua in suol nawna dingin nangni infiena ding cheuin ama chu a hung a ni si a,” a ti a.

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 14:27

Lalpa ṭina chu hringna tuikhur a na, Thina chânghaia inthawka pêt hmangna leh.

THUVARHAI 16:6

Zângaina le thutak chun khawhlona chu sâwpfai a na, Lalpa ṭina leiin mihaiin suolna an zâmsan.

THUVARHAI 23:4

Hung hausa dingin insuklungkham naw la, I varnaa inthawk ngei chun bân rawh.

THUVARHAI 26:12

Mi ama ngaidân chaua var chu i hmu hlak am? Ama nêk chun mi invêta chun beiseina lien lem a um.

THUVARHAI 26:5

Mi invêt chu ân vêtzie ang peiin dawn rawh, Chuong naw chun, ama le ama mi varah insie hlau rawi a tih.

THUVARHAI 28:11

Mi hausa chu ama ngairuotna ngeia chun a var a, Mi pasie hrietthiemna neitu ruok chun ama chu a zawng suok hlak.

THUVARHAI 28:26

Mi mâni lungril ngawt ringtu chu invêt a nih, Tukhawm vartaka fetu ruok chu, ama chu sanhim nîng a tih.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

ISAI 5:21

Mâni ngaia varhai le mâni ngaia bengvârhai chu an chung a rik ie!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16

Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.