THUVARHAI 3:33 - Pathien Lekhabu Inthieng (BSI)

³³ Lalpa ṭawngsie chu mi khawhlo inah a um a, Mi fel chêngna ruok chu mal a sâwm hlak.

THUVARHAI 3:33 ပူးပေါင်းရင်းမြစ်များ

2 SAMUEL 6:11

Chun, Lalpa bâwm chu Git mi Obed-edom ina chun thla thum a um a, chuongchun, Obed-edom le a sûnghai po po chu Lalpain mal a sâwm a.

JOB LEKHABU (THE BOOK OF JOB) 24:18

Tuihai chungzâwla hrâttaka lên an na; An chan chu hnuoia chun ṭawngseinphur a na, Grêp huonhai lampui tieng chun a fe naw a.

JOB LEKHABU (THE BOOK OF JOB) 31:12

Bohmangna dinga kâng hmangtu mei chu a ni si a; Chu chun ka hlâwkna po po chu karphawi vawng a tih.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

INPÂKNA HLABU 37:22

A malsâwmna dawngtuhai chun ram hi hluong an ta, A ṭawngse phurtuhai chu sukbohmangin an um ding a nih.

INPÂKNA HLABU 91:10

Thil ṭha naw hrim hrimin tuok naw ni che a,. Hri hrim hrim khawmin i puon in hung hnai bawk naw nih.

THUVARHAI 10:6

Mi fel lu chunga chun malsâwmnahai a um a, Mi khawhlo bau ruok chu nunsietnain ân khum.

THUVARHAI 14:11

Mi khawhlo in chu nam thlûk nîng a ta, Mi tluong puon in ruok chu um rân a tih.

THUVARHAI 15:6

Mi fel ina chun ro tamtak a um a, Mi khawhlo hlâwknaa ruok chun buoina a um.

THUVARHAI 21:12

Mi fel chun mi khawhlo sûngkuo chu a ngaituo hlak a; Iengtizieha mi khawhlohai chu an sietnaa pei thlâk am an niha ti hi.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai Lalpa chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

DÂN PAHNINA 11:28

Lalpa in Pathien thupêkhai chu in zâwm naw a, in hriet ngai lo pathien danghai be dinga tuta ka thupêk cheu hi in pêtsan chun ṭawngsephurin um in tih.

DÂN PAHNINA 7:26

In in sûngah thil tirdakum la lûtin chu thil ang chun ṭawngsephurah in insiem ding a ni nawh; tirdakum namên lova tirdakin in theida hle ding a nih, ṭawngsephur thil a ni si a.

JOSUA 6:18

Nangni ruokchu suksiet dinga thil pumpêka inthawk chun insiekieng hlau ro, chuong naw chun, suksiet dinga thil pumpêk laia mi ieng khawm lo lain, Israelhai riebûk hi suksiet dingah siem in ta, lunginzîngna intlun hlau rawi in tih.

JOSUA 7:13

Tho la, mipuihai hi inhlân thieng phawt el rawh; chun, an kuomah, ‘Zînga dingin inhlânthieng ro khai, Lalpa Israelhai Pathien chun, “Aw Israelhai, nangni lai hin thil pumpêk a um a nih, nangni laia thil pumpêk hi in lâk hmang hmakhat chun in hmêlmahai hi hne thei naw ti niu,” a ti a nih.