THUVARHAI 3:32 - Pathien Lekhabu Inthieng (BSI)

³² Khêlinhlipna hi Lalpa ngaia chun tirdakum a ni si a. A thurâwn ruok chu mi tluong kuomah a um.

THUVARHAI 3:32 ပူးပေါင်းရင်းမြစ်များ

JOB LEKHABU (THE BOOK OF JOB) 29:4

Ka vânglai nihaia ka um anga, Pathien thurâwn chu ka puon in chunga a um lai khan;

INPÂKNA HLABU 18:26

Mi inthieng kuoma chun inthiengin insuklang i ta, Chun, mi kâwmaw kuoma chun kâwmaw takin insuklang i tih.

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

THUVARHAI 11:20

Lungrila khêlinhliphai chu Lalpa ta dingin tirdakum an na, An lampuia fel famkimhai ruok chu a lâwm zâwng an nih.

THUVARHAI 14:10

Lungril chun ama khâkna tak chu a hriet a, Hmêlmak mi chun an hlimna chu a sukbuoi ngai nawh.

THUVARHAI 17:15

Mi khawhlo chu thiem inchangtir a, mi fel chu thiemnaw inchangtir chu, Chu ve vehai chu angkhata Lalpa ta dinga tirdakum a nih.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

ISAI 41:24

Ngai ta u, iengkhawm in lo ni naw hi, in thil thaw khawm iengkhawm a ni bawk nawh, nangni thlangtuhai cheu chu mi tirdakumtak an ni hi.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet si a; mihriem laia an ichawimawi chu Pathien mithmua chun tirdakumtak a nih.

JOHAN 15:15

Suok ti nâwk ta naw ning cheu; a pu thilthaw suok chun a hriet si nawh; ruolhai ka ti ta lem cheu a nih. Pa kuoma inthawka thil ka hriet po po in kuomah ka puong ta si a.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.