THUVARHAI 3:25 - Pathien Lekhabu Inthieng (BSI)

²⁵ Ṭina thut chu ṭi naw la, Mi khawhlo sukṭitna a hung pha khawm ṭi bawk naw rawh.

THUVARHAI 3:25 ပူးပေါင်းရင်းမြစ်များ

INPÂKNA HLABU 112:7

Chanchin ṭha nawtakhai ṭi naw ni a, Lalpa chu ringin a lungril chu a det a nih.

INPÂKNA HLABU 73:19

Iengtiziea mitkhapkâr chaua an rêm el am a ni aw! Thil râpthlâktakhaia sukbohmang daiin an um ta a ni hi.

INPÂKNA HLABU 91:5

Zâna thil râpthlâk chu ṭî naw ti ni a, Sûna thal hung inlêng hlak chu ṭî bawk naw ti nih.

THUVARHAI 1:27

In ṭitna chu thlipui angin, In lunginzîngna chu thlivir angin a hung a, Rimsikna le tuorna chu in chungah a tlung pha chun;

ISAI 54:14

Felnaa sukdetin um i ta, nêksâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

MIKA 4:4

Mi tinhai chu an grêp hrui hnuoia le an theichang kûng hnuoiah ṭhung lem an ta, tukhawma sukṭi naw ni hai; sipaihai Lalpa bau chun a hril ta a.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta si a.

MATTHAI 24:15

“Chuongchun, sukrêmtu tirdakum, zâwlnei Daniel ihril kha hmun inthienga ngîra in hmu phâ chun (a tiem taphawt chun a umzie hre raw se),

MATTHAI 24:6

Chun, indo thu le indo thuthang la hrieng in ta; in lunginzîng nawna dingin fîmkhur ro; chuong chu a hung tlung ding hrim a nih; nisienlakhawm, tâwpna chu la ni hri naw nih.

MARKA 4:40

Chun, ama chun an kuomah, “Iengdinga chuong bêk bêka ṭi am in na? Ringna hrim in la nei naw a ni maw?” a ta.

LUKA 21:9

Chun, indo thu le buoi thu in hriet pha ṭi naw ro; chuong chu a tlung hmasa ding hrim a nih, tâwpna ruok chu tlung nghâl el hri naw ni,” a ta.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.