THUVARHAI 3:21 - Pathien Lekhabu Inthieng (BSI)

²¹ Ka naupa, i mithmuhaia inthawk chun anni chu infehmangtir naw la, Ngairuotthiemna le varna hrisêl chu kawl tlat rawh.

THUVARHAI 3:21 ပူးပေါင်းရင်းမြစ်များ

THUVARHAI 1:4

Mi mâwl kuoma varna pe ding le, Tlangvâl kuoma hrietna le ngairuotthiemna pe dingin,

THUVARHAI 18:1

Mi mâni insuktum chun, mâni nuom zâwng ngei chu a zawng a, Varna indik po po a sêlkal hlak.

THUVARHAI 19:8

Varna hmutu chun ama lungril a hmangai a, Hrietthiemna vawngtu chun thil ṭha chu hmûng a tih.

THUVARHAI 2:7

Mi tluong ta ding chun varna hrisêl chu a siekhâwl a; Lungril ṭhataka fetuhai ta ding chun phaw a nih.

THUVARHAI 4:21

I mithmua inthawk infe hmangtir naw la, I lungril sûng taka chun kawl tlat rawh.

THUVARHAI 4:6

Ama chu nghatsan naw la, vawngṭhâng a ti che a, Ama chu hmangai la, vêng a ti che.

THUVARHAI 5:2

Ngairuotthiemna chu i vawng tlat theia, I hmûrhai chun hrietna a kawl tlat theina dingin.

THUVARHAI 8:14

Thurâwnna chu ka ta a na, hrietna hrisêl leh, Hrethiemin ka um a, thilthawtheina ka nei a nih.

JOHAN 8:31

Chuongchun, Isûn a ringtu Judahai kuoma chun, “Ka thua in um zing chun, ka inchûktirhai ni taktak in tih;

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

JOSUA 1:8

Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuongchun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?

1 JOHAN 2:24

Nangni chun chu, a tira inthawka in hriet kha, nangniah inumtir zing ro. Chu a tîra inthawka in hriet chu nangniah a um zing chun, nangni khawm Naupaa le Paa chun um zing in tih.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.