18 Ama cheltuhai ta ding chun hringna thing kûng a na, Ama kawl tlat theitu chu a hlim a nih.
Chun, hnuoia inthawkin, Lalpa Pathienin thing mitlatak le fâkmi tinrêng ân mâwngtir a; hringna thing khawm huon lailung taka chun ân mâwngtir bawk a; a suol le a ṭha hrietna thing khawm.
Chun, Lalpa Pathien chun, “Ngai ta u, mihriem chu a suol le a ṭha hrein eini laia pakhat ang a hung ni ta a; tuhin chu a kuta banin, hringna thing ra chu loa fain, kumkhuoin hring rawi a tih,” a ta,
Mi fel ra chu hringna thingkûng a na, Lungrilhai latu chu mi var a nih.
Beisei hlawsamna chun lungril a sukdam naw a, Châk zâwng hung tlung ruok chu hringna thing a nih.
Lei hrisêl chu hringna thing a na, Chutaka khêlthu ruok chu lungril kawidarna a nih.
Inchûktirna chu cheldet tlat la, infetir dêr naw rawh; Kawl tlat rawh, ama chu i hringna a ni si a.
Chuleiin, tuhin, ka naupasalhai mi lo ngai unla, Ka lampui hrawtuhai chu mi hamṭha an ni si a.
Ka thu hretu chu mi hamṭha a nih, Ka dâikawtkhâra ni tina nghâktu, Ka kawtkhâr bienga nghâk zingtu chu.
Tangka chu inhliekhuna a ni ang bawkin varna khawm chu inhliekhuna a na; Hrietna ṭhatna chu: varna neitu hringna chu a vawng himpêk a nih.
Thlarauin kohranhai kuoma thu a hril hi na nei chun hre raw se. A hnetu taphawt chu Pathien Paradisa Hringna Thinga chu infâktir ka tih,’ tiin.
Chun, vadung pang tuoka chun Hringna Thing, chi tum sâwm le pahnia ra, thla kipa ra, a um a; chu thing hnahai chu hnam tin sukdamna ding a nih.